Biili – Atorunnaarlugu nalunaarutiginera

Biili – Atorunnaarlugu nalunaarutiginera 

Biili nalunaarsortereeraangat oqartussaasut biili kimit pigineqarnersoq ilisimasarpaat, taamaalillutillu biilip motoorianut akitsuutip kimit akilerneqarnissaa ilisimasarlugu. Taamaammat biili piginnittup atia atorlugu nalunaarsorneqarsimanissaa pingaartuuvoq. Biilit tunissagukku taamaalillutit eqqumaffigisariaqarpat, motoorimut akitsuutip aamma sillimmasernerup akilernissai illit akiligassarisussaagakkit
  • biilimik piginnittup nutaap nammineq atini atorlugu biilimik nalunaarsortinnissaa tikillugu
  • imaluunniit taanna atorunnaarlugu nalunaarutigigukku, nummerplade politiinut tunniunneratigut

Piginnittup allanngornera
Biilit suli tuninagu atorunnaarlugu nalunaarutigisimanngikkukku, piginnittup nutaap tuaviornerpaamik biili nammineq atini atorlugu nalunaarsortittariaqarpaa. Piginnittup nutaap biili nammineq atini atorlugu nalunaarsortereeruniuk, biili illit atit atorlugu nalunaarsoqqajunnaartoq politiiniit ilinnut nalunaarutigineqassaaq. Taamaammat biilivit tuninerata kinguninngua politiiniit nalunaarummik pissarsisimanngikkuit, pisisoq attavigisariaqarpat.


Motoorimut akitsuutip utertillugu akilerneqarnera

Motoorimut akitsuutip nalunaarsuinerup normua assigisarmagu eqqumaffigissavat. Tamatuma kingunerisaanik motoorimut akitsuut akilereerneqarsimasoq, biili nummerplade-qartoq tunigukku, utertillugu akilerneqarnissaa angusinnaanngilat.

Paarlattuanik biilip atorunnaarnera nummerplade-p politiinut tunniunneratigut nalunaarutigigukku, motoorimut akitsuut akilereersimasat utertillugu akilersissinnaavat.
  • Tamatumanili piumasaqaataavoq, biili qaammat ataaseq suli qaangiutinngitsoq nutaamik nalunaarsorteqqissanngitsoq

Motoorimut akitsuut ukioq affakkaartumik akilerneqartarpoq – 1. april aamma 1. oktober – aamma qaammatinut sinneruttunut motoorimut akitsuut akilereersimasaq taamaallaat utertillugit akilersissinnaavatit.

Biili assersuutigalugu ulloq 14. december atorunnaarlugu nalunaarutigigukku, motoorimut akitsuut 1. januar-imiit 31. marts ilanngullugu utertillugu akilersissinnaavat.

Motoorimut akitsuutip utertillugu akilersinnissaanut, motoorimut akitsuut akileraarutitigut utertitsinnissaanut immersugassaq immersussavat, Akileraartarnermullu Aqutsisoqarfimmut tunniullugu.

Motoorimut akitsuut akileraarutitigut utertitsinnissaanut immersugassaq.


Malugiuk

Biilit atorunnaarlugu politiinit nalunaarutigineqarpat, motoorimut akitsuutip imaluunniit sillimmasiinerup akilinngitsoorneranit patsiseqartumik, biili nutaamik nalunaarsorneqassaaq. Biilivit nutaamik nalunaarsortinnissaa pissappat:
  1. akisussaanermut sillimmasernermik peqassaatit
  2. motoorimut akitsuut akilerneqarsimassaaq
  3. biili politiinit akuerineqassapput, tamatuma kingorna biili nalunaarsorsinnaalissavaat

Taassuma saniatigut biilip nalunaarsorteqqinnissaa sioqqullugu siusinnerusukkut sillimmasiinermut aamma motoorimut akitsuummut akiligassaasimasut akilerneqassapput.

Allaaserisat attuumassutillit

Politeeqarfik Sisimiut
Postboks 110
3911 Sisimiut

Oqarasuaat: (+299) 70 13 22
Fax: (+299) 86 57 78
Oqarasuaat angallattagaq: (+299) 52 77 48
E-mail: grl-sisimiut@politi.dk