Akiitsunik pisortanit isumakkeerfigineqarnissamut qinnuteqarneq

Nalinginnaasumik paasissutissiineq 

Pisortanut akiitsunnik akiliisinnaanngikkuit, Akiliisitsiniartarnermi immikkoortortaqarfimmut sumiiffinnit qaninnerpaamut saaffiginnissinnaavutit. Imaassinnaavoq isertitaqanngitsutit imaluunniit nalilinnik pigisaqanngitsutit.

Tamakkiisumik imaluunniit ilaannakortumik isumakkeerfigineqarnissannut qinnuteqarsinnaavutit, akiitsullu pineqartut makkuusinnaapput:
  • Pilersuisussaatitaanermut akiitsut
  • Ilinniarnerup nalaani atukkanut akiitsut
  • Akileraarutinut akiitsut
  • Namminersorlutik Oqartussanut illuliornermut atukkanut namminerluunniit suliffiuteqalerniarlutit attartukkavit utertissinnaannginneranni

Akileraarutinut akiitsunik isumakkeerfigineqarnissamut qinnuteqaat pillugu paasisaqarnerorusukkuit uani atuassavat.

Akiitsutit akilersinnaaneritit Akiliisitsiniartarnermi immikkoortortaqarfimmit nalilissallugu pisussaapput. Assersuutigalugu siusinaartumik sulisinnaajunnaarnersiutisiaqaruit imaluunniit utoqqalinersiuteqaruit, akiitsutit isumakkeerfigineqarnissaannut periarfissat suunersut Akiliisitsiniartarnermi immikkoortortaqarfimmit siunnersorneqassaatit.

Qinnuteqarneq 

Pisortanut akiitsorisannut isumakkeerfigineqarusukkuit, allakkatigut qinnuteqaatit Akiliisitsiniartarnermi immikkoortortaqarfimmut sumiiffinnit qaninnerpaamut nassiutissavat. Qinnuteqaatinni:
  • Isertitatit aningaasartuutitillu erseqqissumik nassuiaatigissavatit
  • Siunissamilu qaninnerusumi aningaasatigut inissisimanerit nassuiaasersorlugu
Akileraartarnermut Aqutsisoqarfik, Akiliisitsiniartarnermi immikkoortortaqarfik
Postboks 1605
3900 Nuuk

Oqarasuaat: (+299) 70 55 00
Fax: (+299) 32 33 04
E-mail: Incasso@nanoq.gl
Nittartagaq: www.aka.gl