Meeqqerivik Sisi

Meeqqerivik “Sisi” meeqqanut 60-nut inissaqarpoq 3-6-nut ukiulinnut,ukiui malillugit ininut pingasunut agguarnikuullutik.
Ukiumut 2017-imut pilersaarut

Ammasarfiit sulisullu 

Meeqqerivik ammasarpoq nal. 7.00-17.00.

Meeqqamik tunniussinissaq kingusinnerpaamik nal.9.00 pisarpoq,kingusinaarniartunut nal.9.00-linngortinnagu sianertoqarsinnaavoq tlf.nr. 864193.

Kingusinaarlutik takkuttut tigujumannginneqarsinnaanngillat.

Inimi sulisut pingasuupput: perorsaasoq, socialhjælperi ikiortilu.

Pisortaq sulisut avataani inissisimavoq perorsaasutullu ilinniarsimalluni.

Sammisassat 

Meeqqat ullaakkut inimut ataatsimut katersorneqartarput nal.8.00 iniminnukartarlutik imaluunniit sulisut qiteqqutereeraangata.

Meeqqat iniminni sammisaqarnerat aallartittarpoq nal.9.30-11.00.

11.00-12.30 ullup qeqqasiorneq aallartittarpoq.

14.00-15.00 ualikkut nerisoqartarpoq.

11.00-miit ullup sinnera meeqqerivik tamarmi ammartarpoq,meeqqat qinigassat arlaaniissinnaallutik: Silami pinnguarneq,assassortarfik,illup iluani pinnguartarfik, isersimaartarfillu ammartarput

Angajoqqaanik suleqateqarneq 

Ullaakkut aggiussinermi angajoqqaanut kaffe the-lu sassaalliutigineqartarput.

Ukiumut 3-4-riarluni atuisunik ataatsimiisitsisoqartarpoq, atuisut ukiumut pilersaarusiortarput, taavalu angajoqqaanut anguniakkagut paasissutissallu allat saqqummiunneqartarlutik.

Ukioq affakkaartumik angajoqqaat ataasiakkaarlugit oqaloqatigineqartarput,naliliiniutinik TRAS,RABU atualertussanullu SPU misiliutigineqareeraangata.

Pingaarnerutillugit anguniakkat 

Pingaartinneqarpoq meeqqap nammineersinnaanera, nammineq pilersitsisinnaanera, kinaassutsiminik ilisimaarinninnissaa, minnerunngitsumillu toqqisisimanissaa anguniassallugu, taakku angajoqqaat suleqatiginerisigut anguniarneqartarput. Ineqatigiit ukiumut anguniagaat meeqqat killiffii, kiisalu meeqqanut aalajangersimasumut pingaarneq ujartorlugu anguniagaqartarput, angajoqqaanullu immikkut paasissutissanik saqqummiisoqarsinnaasarluni.

Sisi

Aqqusinersuaq 20

+299 86 41 93

sisisisimiut@qeqqata.gl