Tunniussisarneq aallertarnerlu 

Meeqqanik tunniussisarneq nal. 09.00 nallertinnagu pisarpoq, taamaanngippat peqquteqavilluni kingusinaarnissaaq periarfissaavoq, nal. 09.15 nallertinnagu nalunaarutigineqareersimassalluni. Meeqqerivik meeraaqqerivillu ullaakkorsiortitsineq ajorpoq, taamaammat meeraq nerereesimassaaq agginginnerani. Taarsiulluguli qaammammut ataasiarluni angajoqqaanik meeqqanillu ullakkorsiortitsisarluni.

Angajoqqaat aggiussinermi aallernermilu namminneq meeqqap atisaajarnera atisalersorneralu isumagisavaat. Sulisullu ullormut tiiminik qaangeeqqusaannginnerat peqqutaalluni 16.55 missaani oqarasuaatikkut paasiniaasarpugut.

Meeqqanik aallertartut piumasaqarfigaavut imigassartorsimanatillu allatulluunniit aanngaajaarniutinik atuisimassanngitsut. Taamaattoqarsimatillugu politiit attavigineqartarput, taakkkualu socialvagt-imut attaveqartarput.

Ullut ingerlasarneri 

Meeraaqqerivimmi meeqqerivittaanilu susassaqartitsineq tamatigut aallartittarpoq nal. 09.30.

Meeraaqqat ullup qeqqasiortarput nal. 10.30, tamatumalu kingorna ermittarput, nangilersorneqareeraangamillu kingulliartinneqartarput, ilai silami ilaallu illup iluani. Apeqqutaasarpoq angajoqqaat qanoq piumasaqarsimanerat.

Meeqqerivittaani nerisarput nal. 10.30 – 11.45-ullu akornani nerereernerullu kingorna perusuersartarfimmi ermillutillu kigutigissartarput, meeqqallu pisariaqaraangat angajoqqaalluunniit kissaatigigaangassuk eqqisisimaarlutik qasuersaartinneqartarput.

Ammasarfii 

Ullut tamaasa nal. 07:00-miit ammartarpoq, 17:00-ilu matulluni

Naja Aleqa

Kaalikassaap Aqq. 37

+299 86 42 93

naja-aleqa@greennet.gl