Akuleriisillugu Meeqqerivik Nuniaffik 

Meeqqanut ukioqanngitsuniit arfinilinnut ukiulinnut 62-nut inissaqarpoq, meeraaqqerivimmi ininut marlunnut 24-it avitaapput, meeqqerivimmilu ininut marlunnut 38-it aveqqallutik.
Nuniaffik-mi sulisut 15-upput, pisortaq, eqqiaasoq erruisorlu ilanngullugit.
Piffissap ilaani sulinermik misiliisisoqartarpugut.

Ammasarfiit
Ataasinngornermiit tallimanngornermut Nal. 7:00-17:00 ammasarpoq, nallittuni matoqqasarpoq, 6. Jan aamma 1. Maj ullup affaa ammasarpoq.

Nerisarneq
Meeraaqqerivimmi Nal. 10:30 aamma 13:30 nerisarput.
Meeqqerivimmi Nal. 11:00 aamma 14:00 nerisarput.

Nerereernerup kingorna meeqqat ikorfartorneqarnissamik pisariaqartitaat malillugu kigutigissartarput.

Aggiussisarneq
Meeraq kingusinnerpaamik Nal. 9:00 meeqqerivimmut apuutereersimassaaq.
Peqquteqavilluni kingusinnerusukkut takkutissappat, napparsimappat fri-ssappalluunniit Nal. 9:00 nallertinnagu, meeqqerivimmut nalunaarutigineqassaaq.

Taamatut piumasaqarnitsinnut peqqutaavoq, illup iluani arlaannik pilersaaruteqartoqartillugu suliassaqartillugillu, pingaartikkatsigu meeraq aallaaqqaataaniit peqataanissaa.
Pingaartipparputtaaq meeraq angerlarsimaffimmini nerereersimalluni qasuerlunilu sinissimalluni takkutarnissaa.
Peqquteqavillunili angerlarsimaffimmi meeraq nerisimanngippat, periarfissaqarpoq meeqqerivimmi qorlortitanik angajoqqaap nammineerluni meeraq nerisinnissaanut.

Pinnguamik nassartarneq
Meeraq pisariaqartitsinini aallaavigalugu pinnguamik uloriananngitsumik, akisuujunngitsumik aammalu meeqqap erligisarinngisaanik atsiorsimasumik nassarsinnaavoq, ullaakkut inersuarmi pinnguarisinnaasaminik. Ininili ullormik aaliangersimasoqarsinnaavoq, pinngussanik nassatanik pinnguarfimmik.
Ilisimasariaqarporli nassataq tammassagaluarpat aserussagaluarpalluunniit meeqqeriviup akisussaaffigisinnaanngimmagu taarsersinnaanagulu.

Ipad-imik nassartarneq
Ulluni inini Ipad-erfiusuni meeraq Ipad-iminik nassarsinnaavoq, ilisimasariaqarporli aamma taanna ajortissagaluarpat tammassagaluarpallu meeqqeriviup akisussaaffigisinnaanngimmagu taarsersinnaanagulu.

Sammisaqartitsineq

Sammisaqartitsinerit ullaakkut 9:30 iloqqasunngornermik aallarnerneqartarput. Tassani ilanngullugu meeqqanut ilisimatitsissustigineqartarput ullormut susoqartussaanera aammalu sulisut qanoq inissisimanerinik.
Erseqqissaatigineqassaaq nalinginnaanngitsumik pisussaqartillugu, angajoqqaat siumut ilisimatinneqartarmata.

Nuniaffik-up anguniagai
➢ Meeraq toqqissilluni nuannaarlunil Nuniaffik-miinnissaa
➢ Meeqqap peqqinnartumik inooriaaseqalernissaa
➢ Meeraq imminut tatiginermik, inoqatiminullu tatiginninnermik peqalernissaa
➢ Meeraq imminut naleqartatut, allallu naleqartut isiginnilernissaa
➢ Meeraq imminut ataqqinissaa aammalu allanut ataqqinninnermik pigisaqalernissaa
➢ Meeqqap nammineq aammalu kultur-ikkut kinaassusaanik ilinniartinneqassaaq
➢ Meeraq nammineersinnaanermik ilinniartinneqarnissaa
➢ Meeraq inooriaatsimut, avatangiisitsinnullu ataqqinninnissamik naleqqussarnissamillu ilinniartinneqarnissaa
➢ Meeraq taamaasilluni sassarsinnaalernissaanut inerisarneqarniassammat
➢ Meeqqap killiffia aallaavigalugu inerisarneqarnissaa
➢ Angajoqqaanut qanilaartumik meeraq pillugu sulisut attaveqatigiilluarnissaq



Nuniaffik-up piumasaqaatai
➢ Meeqqamut akisussaasut pingasuunissaat, angajoqqaat pisinnaanngitsillugit soorlu ataatsimiigiarnernut assigisaanullu peqataasartussaq pingatsiunneqarluni
➢ Meeraq atsiorsimasunik isersimmateqarnissaa, aamma isumannaallisaaneq pillugu illumit piaartumik anisariaqalersinnaaneq piareersimaffiginiarlugu
➢ Meeraq silamut naleqquttunik atisaqartinneqassaaq
➢ Meeraq atisassamaateqarnissaa, aammalu suli nangeqartartut angerlalerunik atugassaannik nangissamaateqarnisssaa
➢ Meeraq 38*C sinnerlugu kissarninissimappat, ullormulluunniit arlaleriarluni timmissimappat, tuniluussinnaasumilluunniit nappaateqalersimappat, angajoqqaanut akisussaasunulluunniit nalunaarutigineqartarput aaneqarnissaat pillugu. Taamaattut meeqqerivimmiissinnaanngimmata, sulisullu napparsimasunik paaqqutaqarnissamut assassaqanngimmata.
➢ Meeraq ataavartumik nappaateqarnermigut nakorsaatitunngippat, sulisut nakorsaatitortitsinissaq pisussaaffiginngilaat. Pisariaqavippalli inini sulisut oqaloqatigineqarsinnaapput qanoq aaqqiisoqarsinnaanera pillugu.
➢ Aneerussiviit, sikkilit qamutit assigisaallu nalillit, sillimaniarneq pillugu kælder-imut ilineqartarnissaat innersuutigaarput. Matup eqqaanut ilineqarsimasut aneertarfitta avataanut inaalinneqarsinnaapput, tamaattoqarpallu angajoqqaat namminneq tamanna akisussaaffigissavaat.
➢ Sapinngisamik meeraq meeqqerivimmut nuunnginnerani nangeqartarunnaarnissaa aammalu kingulliartarnera annikinnerpaaffianiilersimanissaa innersuussutigaarput.

Atuisut ataatsimoorfiat
Atuisut ataatsimoorfianiipput meeqqat, angajoqqaat aammalu Nuniaffik-mi sulisut.
Ukiumut marloriarluni atuisut ataatsimut ataatsimiisinneqartarput.
Kiisalu ukiumut marloriarluni meeqqap ineriartornermini killiffia pillugu, inini sulisut aggersaasarlutik.
Ininilu sulisut pisariaqartitsineq aallaavigalugu, meeraq pillugu oqaloqatigiissutissaqartillugu aggersaasarlutik.
Aammattaaq meeraq meeqqerivimmiilernerani, imaluunniit inimut allamut nuunnerani, qaammatip siulliup iluani aallartisarnermi naapeqatigiilaarnissamut inini sulisut aggersaasarput.
Ataasinngornermiit tallimanngornermut Nal.: 7:00-17:00