airplanebooksbriefcase business cogs cross election entertainment fish house law lockmedicalpeopleselfservices socialtax

Uiaq

Uiaq meeqqanut 64-inut inissaateqarpoq 0-6'inik ukiulinnut, ininut sisamanut agguagaasunut

Uiaq 

Ukiumut 2019-imut pilersaarut aaguk

 

Meeraateqarfik Uiaq angajoqqaanut, minnerunngitsumillu meeqqanut, ornittarfittut nuannersutut siunertarineqarpoq.
Meeqqat minnerit inini marlunniipput aqqaneq marlunnut inissalinnut, meeqqallu annerit inini aamma marlunniillutik meeqqanut 20-nut inissalimmi.

Meeraq kingusinnerpaamik nal. 9.00 aggereersimassaaq, kingusinaassappallu meeqqanukassanngippalluunniit piffissaq taaneqartoq nallertinnagu angajoqqaat nalunaaruteqareertassapput.

 

Nerisarneq: 

Meeraq ullaakkorsiortereerlugu aggiunneqassaaq, ullaakkorsiortitsisoqarneq ajormat. Angajoqqaat, meeqqat sulisullu qaammammut ataasiarlutik ullaakkorsioqatigiittarput.

Meeqqat mikinerniittut meeqqat pisariaqartitaat malillugit nerisinneqartarput.

Ullueqqasiortoqartarpoq nal. 11.00

Ullukkut nerineq nal. 14.00

Meeraq arlaannik sapigaqarsimappat, angajoqqaat nakorsamiit uppernarsaammik nassarlutik sulisunut tunniussissapput, igasup tamanna paasiniassammagu.

 

Sammisassaqartitsineq: 

Nal. 9.00 tungaanut meeqqat tamarmik ataatsimoortarput. Taassuma kingorna iniminnukartarput ullormullu sammisassat aallartinneqartarlutik. Sap. ak. allortarlugit sulisut akornanni paarlakaajaattoqartarpoq sammisassanik pilersaarusiorneq eqqarsaatigalugu, taakkulu tavlimut nivinngarneqartarput. Angajoqqaat taamaalillutik malinnaasinneqartarput.

Angajoqqaat meeqqallu kissaataat malillugit meeraq ualikkut sinitsinneqarsinnaasarpoq.

 

Ammasarfiit: 

Ataasinng.- tallimanng. nal. 06.45-17.00

Meeqqat atisaat: 

Sapinngisaq malillugu meeraq silamiissutaasinnaasunik atisanik nassartassaaq. Tassa imaappoq aaqqatit, nasaq, gummit assigisaallu. Eqqaamallugu atia ilisarnaammilluunniit atisaanut allannissaq paarlaattoqartoornissaa pinaveersaartikkumallugu.

Aasakkut silagitsillugu silamiinnerusarpugut. Taamaattumik meeqqap atisassamaatissaqarluarnissaa kissaatiginarpoq atisai masatsissagaluarpata peqartereerlugu.

Meeraq isersimmatissaminik aamma nassassaaq.

 

Pinngussanik nassartarneq: 

Meeqqat tallimanngornikkut pinngussanik nassarsinnaapput. Tamanna angajoqqaat meeqqallu namminneq akisussaaffigissavaat. Meeraq pinnguamik batteeritortumik imal. pinnguamik nipiliortartumik nassaqqusaanngilaq.

 

Sammisassat aaliangersimasut: 

Ullaakkut sungiusarneq:

  • Aappaluttukkormiut marlunngornermi timersortarput
  • Tungujortukkormiut sisamanngornermi timersortarput
  • Den blå stue har gymnastik om torsdagen

Aasakkut meeqqat, akuerineqarsimasut, naluttarfimmiittarput

Meeqqat atualertussat sap. ak. tamaasa aaliangersimasunik sammisassaqartinneqartarput, tamannalu januarimiit maaji ilanngullugu ingerlasarpoq.

Meeqqat atualertussat Santa Luciartinneqartarput.

Sapaassuaq Siulleq qalligaangat suliassat aaliangersimasumik sammisaqartut aallunneqartarput.

 

Sammisassat aaliangersimasut: 

Naammagittaalliutissaqaruit nuannersumilluunniit eqqaasassaqaruit, sulisunut angajoqqaalluunniit sinniisaannut anngussisinnaavutit. Meeraaqqeriviup siunertaraa immitsinnut attaveqaqatigiilluassasugut!

Suleqatigiilluarnissaq kissaatigalugu, meeraaqqeriviup Uiaq'mut tikilluaqquaatit.

Attavissaq:

Eqqaavimmut 15 B-2012

86 40 69/38 20 85

uiaqsisimiut@qeqqata.gl