airplanebooksbriefcase business cogs cross election entertainment fish house law lockmedicalpeopleselfservices socialtax

Nuka

Meeraaqqerivimmi ulloq pinguarnermik sammisassaqatitsinernilu ingerlanneqartarpoq,anguniarneqarput meeraq sapinngisamik namminersorsinnaanerannik aammalu imminut tatiginermik ilinniartissallugu imminik nammineq ikiortoq.

Aggiussisarneq aallertarnerlu: 

Meeraaqqerivik ammartarpoq ullaakkut 06.45 matusarlutalu 17:00. Meeqqat kigusinnerpaamik 9.30 aggersinnaapput agginnginnissamilluunniit nalunaarlutik nalunaaqutaq taaneqartoq nallertinnagu. Aalajangersagaq taanna pissuteqarpoq meeqqat sammisaqartitsinernut  malinnaaniassamata.

Atisassamaatit: 

Sulisut kissaateqarput angajoqqaat meeqqami atisassamaatissaannik nassartaqqullugit.

Sinittarneq: 

Allatut isumaqatigiittoqarsimanngikkaangat meeqqat pisariaqartitsinerat malillugu sinitsinneqartarput. Meeqqat anginerit ullup qeqqa nerereernerup kingorna innartinneqartarput.

Nerisarneq sapigallillu: 

Meeqqat mikinerit ullaakkorsiotinneqartarput aamma akunniliuttagaq tunniunneqartarpoq nal 9.00 missaani. Meeqqat nerisinneqartarput nal 10.30-p missaani. Aasaanerani ulloq allortarlugu tiggaliartortarput, sapaatip akunneranut marloriarlutik igaatortarlutik. Ukiuunerani ullut tamaasa igaartortarput ualikkullu nereqqittarput 13.30 missaani. Kingullermik nerisinneqartarput  16.00 missaani.

Meeqqat pulaartaleqqaarneranni sapigaqarnersut aperineqartarput sulisut ilisimaniassammatigu.

Pinngussat: 

Meeqqat ullut tamaasa pingussanik nassarsinnaapput, erseqqissaatigissavarpullu pingussat taarsiivigineqarsinnaangimmata. Meeqqap pinguaa sapinngisamik atsiorneqassaaq.

Aallartinnginnermi: 

Meeqqat Nukami aallartittussat aallartinnginnermi pulaaqqaatartussaapput minnerpaamik sapaatit akunneri marluk sioqqullugit, pulaarneq siulleq sivikitsumik pissaaq ini-mi sulisullu angajoqqaat nutaat ilisaritissavaat oqaluttuarlutillu ulloq qanoq ingerlasarnersoq. Tulliani meeqqap ineqatissai ilisaritinneqassapput, pingajussaanilu nerinerisa nalaani meeraq nereqataassaaq angajoqqaani ilagalugit, sisamassaanilu meeraq meeraaqqerivimmi piffissaq sivikitsumi qimanneqassaaq.

 

Ukiumut 2019-imut pilersaarut aaguk

Attavissaq:

Muunuup aqq. 2

+299 86 40 61

nukasisimiut@qeqqata.gl