Meeqqat atuarfiata suleqatigisai

Nalinginnaasumik paasissutissiineq 

Atuartut ataasiakkaat atuarnerminni atuagarsornikkut inuttullu pitsaanerpaamik pissarsiaqaqqullugit pingaartuuuvoq meeqqat inuttut avatangiiserisaasa tamarmik suleqatigiinnissaat. Meeqqat atuarfiat suleqaterpassuaqartarpoq anguniakkani pineqartuni suleqataasunik.

Meeqqat atuarfiata suleqatai imatut immikkoortinneqarsimapput:
  • Politikkikkut suleqateqarneq
  • Najukkami suleqateqarneq
  • Qanimut suleqateqarneq
  • Angajoqqaanik suleqateqarneq
  • Oqartussaasoqarfiit assigiinngitsunik sulialinnik suleqateqarneq

Suleqatigisat tamarmik assigiimmik pingaaruteqarput. Tamarmik immikkut meeqqanut attuumassuteqarput, meeqqallu ilinniagaqalernissaannut inuunermilu ingerlalluarnissamut pitsaasumik tunngavilerniassagutsigit tunngaviit tamarmik pingaaruteqarput. Suleqatit tamarmik meeqqat ataasiakkaat soqutigisaat aallaavigalugit suleqatigiinnissaminnut pisussaapput.

Meeqqat atuarfiat suleqaterpassuami saniatigut inatsisinik aalajangersakkanik anguniakkanillu kommunimi politikerit Namminersorlutillu Oqartussani politikerit akuersissutigisaannik maleruagassaqarpoq. Taakkua tassaapput meeqqat ataurfianni politikkikkut sinaakkusiussat, atuarfiillu assigiinngitsut suliassaminnik naammassinninniarnerini inatsisinik tunuliaqutaqarluartunik sulisinnaanissaat qulakkiissallugu.

Ilaqutariinnermut ilinniartitaanermullu ingerlatsivik
Makkorsip aqq. 2,
Postboks 1014
3911 Sisimiut
Telefon.: 702100