Sunngiffimmi atuartitsineq – Nalinginnaasumik paasissutissiineq

Sunngiffimmi atuartitsineq – Nalinginnaasumik paasissutissiineq 

Sunngiffimmi atuartitsineq tassaavoq meeqqanut, inuusuttunut inersimasunullu atuartitsineq sunngiffimmi ingerlanneqartartoq. Atuartitsissutit suunersut piffimmiit piffimmut assigiinngeqaat. Tassani ilinniartitsisussaqarniarneq innuttaasullu ilinniarusutamik piumasaqaataat apeqqutaapput.

Sunngiffimmi atuartitsineq 9-ngorlugu agguataagaavoq:

  1. Tamanut tunngasunik sunngiffimmi atuartitsineq tassaasoq atuartitsissutinik nalinginnaasunik, soorlu kalaallisut atuartitsinermik, ingerlataqartoq, ikinnerpaamik 8-nik peqataasoqartussaq
  2. Mernguernartunik atuartitsineq, soorlu erinarsoqatigiit, ikinnerpamik 12-nik peqataasoqartussaq
  3. Inersimasunut højskole, ikinnerpaamik 8-nik peqataasoqartussaq
  4. Studiekredsit, ikinnerpaamik 8-nik peqataasoqartussat
  5. Oqalugiarnerit ikinerpaamik 15-inik peqataasoqartussat
  6. Ilinniartitsissutinik ataasiakkaanik GU-mut naapertuuttunik atuartitsineq – GU-ni ataasiakkaani paasiniaagit
  7. Immikkut ittumik atuartitsineq, soorlu innarluutilinnut, aallaavittut peqataasut ikinnerpaamik 2, ataasiakkaanilli atuartitsineq aamma akuerineqarsinnaavoq
  8. Inuussutissarsiutinut tunngasunik pikkorissarnerit, ikinnerpaamik peqataasut 8-ssapput
  9. Assassorissanik ilinniartitsineq, ikinnerpaamik peqataasut 12-ussapput


Ilaatigut najukkami nutaarsiassatigut, allagarsiivikkut paasissutissiivikkullu sunngiffimmi neqeroorutit suunersut paasiniarsinnaavatit. Taakkunanissaaq paasisinnaavat sumi qaqugulu nalunaassanerlutit.


Malugiuk
Sunngiffimmi atuartitsinermi atuartitsissutit ilaanni, soorlu motoorilerinermi, misilitsissinnaavutit.

Sunngiffimmi atuartitsinermut peqataaniaruit Kalaallit Nunaanni innuttaasutut nalunaarsimasariaqanngilatit.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl