Ornittagaq Angaju

Ornittagaq Angaju 1.-2. klassenut neqeroorurutaavoq atuisut nammineq akiligaannik.

Ornittagaq “Angaju”
Atuareernerup kingorna ornittagaq meeqqanut 40-runut, 1-2-3-4 klassenut inissaateqarpoq,taakkulu saniatigut tapersersortariallit arlaqartut ilaapput.
Init sisamat sammisassaqartitsivittut atorneqarput.Mersortarfik- Fjernsynertarfik- Pinnguartarfik – Qalipaasarfik, tallimaat illup silataani quikumi sannavittut suliareqqitaasumi atulerluni, upernaamiit ukiarneranut atorneqarnerusassalluni kiassarneqannginnera peqqutigalugu.

Ukioq 2017-mut pilersaarut

Anguniakkat
Meeqqap soqutigisai aallaavigalugit sammisaqartitsineq, takorluugaanillu pilersitsisinnaaneranik tapersersuineq. Meeqqallu sassarsinnaanngornissaanik piginnaanngorsaaneq.

Pinngortitamik atuinissaq; Ukiup qanoq ilinera aallaavigalugu sammisaqarneq. Nunatta pissarititai katersorlugit.Timillu aalanerunissaa; ukiukkut sisorarneq,aasakkut nunamut angalaarneq.

Atuisut angajoqqaat pingaartitaat: Meeqqat pilersaarusiornermut peqataatinneqarnissaat, akisussaaffimmillu tigummiaqarnissaat.

Suliffeqarfimmi pingaartipparput toqqissimaneq, tatiginninneq, qanilaarneq, ileqqorissaarneq meeqqanut angajoqqaanullu misigitissallugu.

Angajoqqaat meerartik pillugu suliniutissanik naqitanik isertitsinerminni tunineqartarput, Ornittagaq “Angaju”- mut” “isikkivik” takoreersinnaanngortarpaat ukiup ingerlanerani suna naatsorsuutigisinnaallugu, aamma sulisunut tunngatillugu.

Ammasarfiit
Ataasinngornermiit Tallimanngornermut nal.07.00 – 17.00 ammasarpoq