Fritidshjemmet Naasoq

Sunngiffimmi ornittagaq Naasoq sammisassat assigiinngitsunut agguataagaallutik mersortarfeqarluni, sannaveqarluni, titartaasarfeqarluni, legortarfeqarluni, qarasaasialeriveqarluni, inerujussuarmik arsartarfeqarluni kiisalu silami assigiinngitsorpassuarnik sammisassarluni.

Piffissami oktobarimiit apriili ilanngullugu, sapaatip akunnerisa ulluini sisamani siullerni sammisassaqartitsivik unnukkut 5.- 6. klassinut klubbitut atorneqartarpoq, ulluuneranilu meeqqanut 72-inut inissaqartitsilluni 2.klassinut 3. klassinullu.

Meeqqat amerlassusilerneqarneri: 6–10 år: meeqqat 66-it; Klubbi 11-12 år: meeqqat 50-t tungaanut.

Sulisut amerlassusilerneqarneri: 10

Pisortaq: Paneeraq Petersen
Tullersorti: Antoinette Lange

Ornittagaq Naasup anguniagai 

Sunngiffimmi ornittakkami meeraq nammineerluni ullup qanoq ingerlanissaanik sunniuteqarlunilu akisussaaqataavoq.

Ukioq atuarfiusoq naallugu ataasinngornerit allortarlugit meeqqat ataatsimiisinneqartarput, tassani meeqqat tusarliunneqartunut tusarnaarnissaminnik ilinniartinneqartarput. Tassani aamma meeqqat ataatsimoortunut amerlassuunut oqalunnissaminnut periarfissaqartarput.
Meeqqanut soqutiginarsinnaasunik sulisut sammisassanik ingerlaavartumik saqqummiussisarput, ukiuuneranilu juullillu tungaanut inini sammisassaqartitsiviusuni suliaqangaatsiartarput.

Anguniakkat uani atuakkit.

Illoqarfinni sanalugassat atorlugit sanalukkat 

Meeqqat kusanarluinnartunik pinnersaasiarisaannik umimmaat tuttullu nassuinik tuttullu kukiffaanik pinnersaasiornermik sannavimmi sanalunnissaq soqutigineqarluarsimavoq. meeqqanut aamma nuannaarutaalluinnartumik ujaqqanut siligummik pisaarnikuuvoq, kusarnarluinnartunillu amerlasuunik ujamiliornikuupput.

Sanalugassat arlalissuit sannavimmi atorneqartussat aasaanerani ukiaaneranilu illoqarfiup eqqaani sissami qaqqanilu katersorneqartarput, aammalu meeqqanut angajoqqaanullu nuannaarutaalluinnartumik juullimut meeqqat naneruusiortarput.

Suungiffimmi ornittakkami silamilu meeqqanut sammisassanik ukioq kaajallallugu qaammatit tamaasa aaqqissuisarput, taamaalillutillu meeqqat peqatigiillutik toqqissillutillu ullormut sammisassaqartuaannarput.

Nerisassat 

Nal. 12-miit 15:30-ip tunngaanut igaffik ammasarpoq. Piffissami tassani qaqugu nerissanerlutik meeqqat nammineq aalajangersinnaavaat. Pikkunartuunngitsunik naatitanik nerisassaqarpoq, meeqqat nammineerlutik nerinissami akisussaaffiginissaanut nerireernerullu kingorna iluarsaaseqataanissaannut ilinniartinneqarnissaat meeqqanut nerisassaqartitsinermi siunertaavoq. Sunngiffimmi ornittakkami sapinngisamik peqqinnartunik nerisaqartitsiniartoqartarpoq.

Atuisut ataatsimoorfiat 

Inatsisartut peqqussutaat uani atuaruk.

Malittarisassat 

Meeqqat pinngussanik nassataqarpata aserussagaluarpata tammarlutilluunniit, sunngiffimmi ornittakkap taasersinnaanngilai. Taamatullu atisat pineqarpata. Aneertuartaramik ukiup qanoq ilineranut naleqquttumik meeqqat atisaqartinneqartassapput. Meeqqap atisaanut kamippaanullu aqqi allannissaat pitsaasuuvoq.
Ullut tamaasa matunissap tungaanut sisamaniit aneertarpugut.

Angajoqqaat suleqatigineqarneri 

Sunngiffimmi ornittakkami meeqqat angajoqqaavi qanimut suleqatigineqarput siullermeerlutillu pulaarnissaannut meeqqat angajoqqaavilu oqaloqatigilluarneqartarput. Sunngiffimmi ornittakkami inatsisit ulluinnarnilu qanoq ingerlasoqartarnersoq pillugit paasissutissanik iaqartumik ukiumut pilersaarummik angajoqqaat tunineqartarput.
Ulluinnarni sunngiffimi ornittakkami pisartut pillugit angajoqqaanut nutaarsiassanik paasissutissiissutinik Naasoq ukiumut sisamariarluni saqqummersitsisarpoq. Angajoqqaanut oqaloqatiginnittarneq ingerlanneqarneq ajorpoq, meeqqalli oqaloqateqarnissamik pisariaqartitsissappata sunngiffimmi ornittakkami sulisut angajoqqaanik attaviginnittarput.

Sunngiffimmi ornittakkap unnukkullu klubbip ammasarfii  

Meeqqanut naalunaarsimasunut 2. klassinut aamma 3. klassinut nal. 07.00 – 17.00 ammasarpoq.

Oktobarimiit apriili ilanngullugu 5. klassinut 6. klassinullu unnukkut klubbitut nal.18.00 -21.00 ammasarpoq. Unnukkut klubbitut ammanerani atortorissaarutit meeqqat aamma atortarpaat.

Annertunerusumik paasisaqarusukkuit
Ornittagaq Naasumi ulluinnarput qanoq ingerlanersoq paasisaqarfiginerorusukkukku alakkaanissannut tikilluaqqusaajuaannarputit.

Sunngiffimmi ornittagaq Naasoq

Fahlip aqq. 1

(+299) 86 51 60

fritids.naasoq@greennet.gl