Paasisassarsiorluni angalanerit – Tapiissutit pillugit nalinginnaasumik paasissutissiineq

Paasisassarsiorluni angalanerit – Tapiissutit pillugit nalinginnaasumik paasissutissiineq 

Paasisassarsiorluni angalaneq tassaavoq nunap angalaffigisap paasisassarsiorfiginissaanik siunertaqarluni angalaneq. Amerlasuutigut paasisassarsiorlutik angalasut tassaasarput atuartut kiisalu inuit ilinniakkamik ingerlatallit atuakkamillu itinerusumik ilisimasaqarfigilernissaanik paasinissaanillu siunertaqarlutik angalaniartut.

Atuartorpassuit ilinniarfinnilu ilinniartorpassuit paasisassarsiorlutik angalanissaminnut periarfissaqarput. Paasisassarsiorluni angalanerit akeqarput. Ilinniartuugaanni paasisassarsiorluni angalanissamut akissaqarniarneq ajornakusoorsinnaasarpoq. Atuaqatigiippassuit ilinniartulluunniit paasisassarsiorlutik angalanissatik assigiinngitsumik aningaasalersortarpaat:

  • Peqataasussat akiligassap ilaa namminneq akilertarpaat
  • Akiligassap ilaa aningaasannanniarnikkut, soorlu tuniniaanikkut eqquiniaasitsinikkulluunniit akilerneqartarpoq
  • Akiligassap ilaa qullersanik aningaasaateqarfinnilluunniit tapiiffigitinnikkut akilerniarneqartarpoq


Tassa paasisassarsiorlutik angalaniartorpassuit ilaatigut kommuninut angalanissaminnut tapiiffigineqaqqullutik saaffiginnittarput.

Kikkut qanorlu annertutigisumik tapiiffigineqarsinnaanerannut aalajangersimasunik maleruagassaqanngilaq. Kommunit ataasiakkaat namminneq qanoq tapiisassanerlutik aalajangersortarpaat.

Paasisassarsiorluni angalasussanut ilaaguit angalanissassinnullu tapiiffigineqarusukkussi kommunip sunngiffimmut immikkoortortaa saaffigisinnaavarsi. Taakkua paasisassarsiorluni angalanernut tunngatillugu tapiissutinut qinnuteqaatit pillugit siunnersorsinnaavaasi.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl