Ilinniarnerup nalaani meeqqanut tapiissutit

Nalinginnaasumik paasissutissiineq 

Ilinniartut meerallit ilinniagaqarnermi nalaanni meeqqanut tapiissutinik pisarput.

Meeqqanut tapiissutit tassaapput ilinniarnivit nalaani aningaasatigut meeqqavit pilersornissaannut tapiissutit.

Malugiuk
Meeqqanut tapiissutit meeraq malittarisarpaat. Tapiissutit meeqqap najugaanut kommunimut nassiunneqartarput, meeqqamillu paarsaqartumut tunniunneqarlutik.

Meeraq najugaqatigigukku meeqqamut tapiissutisisassaatit. Meeqqat allanit paarsarineqarpat, assersuutigalugu aanaakkumini aataakkuminilu paarineqarpat imaluunniit angajoqqaajusunit allanit paarineqarpat, tapiissutit paarsaqartunut tunniunneqassapput.

Piumasaqaatit 

Meeqqanut tapiissutinik pisinnaavutit:
  • Meeqqannut imaluunniit meeravissiannut pilersuisuuguit
  • Akilersuisussaatitaaguit

Meeqqat pisortanit tamakkiisumik pilersorneqarpat meeqqanut tapiissutinik pisinnaanngilatit.

Piffissani qiortartakkanik atuiffigisimanngisanni meeqqanut tapiissutinik pisinnaanngilatit.

Meeqqanut tapiissutit angissusaat 

Tapiissutit angissusaat meeqqap sumi najugaqarnera apeqqutaavoq:
  • 1.000 koruunit qaammammut, meeqqamut ataatsimut Kalaallit Nunaanni najugalimmut
  • 1.307 koruunit qaammammut, meeqqamut ataatsimut Danmarkimi najugalimmut
  • 1.000 koruunit qaammammut, meeraq Kalaallit Nunaanni Danmarkimiluunniit najugaqanngippat

Danmarkimit ilinniagaqarnersiuteqaruit (SU), kisimiillutit pilersuisutut imaluunniit angajoqqaatut pilersuisut marluullutik ilinniartuugunik SU-mit pilersuisut tapiannik pisinnaatitaapput. Tapiissutit qanoq qaffasitsiginersut uani takusinnaavatit www.su.dk.

Qinnuteqarneq 

Ilinniagaqarnersiutinik qinnuteqarninnut atatillugu meeqqanut tapiissutit ilanngullugit qinnutigisinnaavatit. Meeqqanut tapiissutit tunniunneqartarput ilinniagaqarnersiutinut ilanngullugit.

Allaaserisat attuumassutillit

Ilinniagaqarnersiuteqartitsivik - USF
Postboks 1022
3900 Nuuk

Oqarasuaat: (+299) 34 50 00
E-mail: usf@nanoq.gl