Toqukkut qimagunneq – Timimik misissuineq, toqukkut qimagunnerup uppernarsaataa aamma toqukkut qimaguttumik nalunaaruteqarneq

Toqukkut qimagunneq – Timimik misissuineq, toqukkut qimagunnerup uppernarsaataa aamma toqukkut qimaguttumik nalunaaruteqarneq 

Inuk toqukkut qimagukkaangat timimik misissuineq pisarpoq aamma toqukkut qimagunnerup uppernarsaataa suliarineqartarpoq, kingornalu toqukkut qimaguttumik nalunaaruteqarneq pisarluni.


Timimik misissuineq
Inuk toqukkut qimagukkaangat timimik misissuineq ingerlanneqartarpoq. Timimik misissuinermi toqunerup ilisarnaatai qularnaatsut aamma toqukkut qimagunnerup sumik patsiseqarnera aalajangersumik uppernarsineqartarput. Nakorsap timimik misissuineq ingerlattarpaa. Nakorsamik (assersuutigalugu nunaqarfimmi toqusoqartillugu) najuuttoqarsimanngippat, nakorsap toqukkut qimagunnerup uppernarsaataata immersornissaanut pisariaqartinneqartumik maluginiaanerit pisariaqartinneqartut inuit oqartussaassusilikkat nakorsap atorsinnaavai. Tamatumani nalinginnaasumik tassaasinnaapput inuit nakorsaaserinermik ilisimasallit aamma kommunefogedi.

Toqukkut qimagunnermut suna patsisaanersoq nalornissutaappat, nakorsap toqukkut qimaguttoqarnera politiinut nalunaarutigisussaavaa, taakkulu eqqartuussivikkoortumik timimik misissuisoqassanersoq nalilissavaat. Politiit nakorsaqarfimmi nakorsaaneq peqatigalugu eqqartuussivikkoortumik timimik misissuineq ingerlatissavaat, toqukkut qimagunneq pinerlunnermik patsiseqarsinnaanerata qulaajaaffiginissaa siunertaralugu.


Toqukkut qimagunnerup uppernarsaataa
Nakorsaq timimik misissuinermik ingerlatsisoq toqukkut qimagunnerup uppernarsaataa suliarissavaa. Toqukkut qimagunnerup uppernarsarnerata quppernerata siulliup nuutinnera nakorsap – nakorsap atsiorneranik ilaqartoq – najukkami ilisinermut oqartussaasumut, tassa ilagiit allaffiannut nassiuttarpaa aammalu Nunami nakorsaaneqarfimmut toqukkut qimagunnerup uppernarsaataa nassiuttarlugu. Toqukkut qimaguttoq ilageeqarfimmi allami angerlarsimaffeqarpat, ilagiit allaffiata toqukkut qimagunnerup nalunaarutigineqarnera kommunerisaanut aammalu ilageeqarfimmi ilagiit allaffiannut nassiutissavaa. Assersuutigalugu inuk Qaqortumeersoq Nuummi toqukkut qimaguppat, toqukkut qimagunnerup uppernarsaataa Nuummi ilagiit allaffiannut nassiunneqassaaq, kingorna tassanngaanniit Kommune Kujallermut toqukkut qimaguttoqarneranik nalunaarut aammalu Qaqortumi ilagiit allaffiannut nuutinnera nassiunneqassalluni.

Ilagiit allaffiata toqukkut qimagunnerup uppernarsaataata nuutinnera, toqukkut qimaguttup qanoq upperisaqarnera apeqqutaatinnagu tigusussaavaa.

Toqukkut qimaguttoq ilineqassanngilaq, ikuallanneqassanngilaq imaluunniit nunamit anninneqassanngilaq toqukkut qimagunnerup uppernarsaataa tunniunneqareersimatinnagu. Eqqartuussivikkoortumik nakorsap timimik misissuinerata kingorna toqukkut qimagunnerup uppernarsaataa suliarineqarsimappat, uppernarsaat politiit naqissutaannik peqassaaq, tamatumani timip toqungasup ilineqarnissaanut, ikuallanneqarnissaanut imaluunniit nunamit anninneqarnissaanut akornutissaqanngitsoq uppernarsarneqarsimassammat.


Toqukkut qimaguttumik nalunaaruteqarneq
Toqukkut qimagunnermut uppernarsaat ilagiit allaffiata tiguguniuk, toqukkut qimagunneq pillugu inuit allattorsimaffiat aamma najukkami eqqartuussivik nalunaarfigissavai.

Allaaserisat attuumassutillit

Peqqissutsimut Naalakkersuisoqarfik
Imaneq 1A - 401
Postboks 1160
3900 Nuuk

Oqarasuaat: (+299) 34 50 00
Fax: (+299) 34 55 05
E-mail: pn@nanoq.gl
Nittartagaq: www.naalakkersuisut.gl