Nunaminertamik atugassiisarneq – Naammagittaalliuuteqarneq

Nunaminertamik atugassiisarneq – Naammagittaalliuuteqarneq 

Innuttaasutut kommunip aalajangiinera pillugu naammagittaalliuuteqarnissamut pisinnaatitaaffeqarputit. Tamatumani nunaminertanik atugassiinissamut nammineerlutit qinnuteqaatitit aammalu nunaminertanik atugassiinerit allat qinnuteqaatigisaat pineqarput. Aatsaat illit suliamut annertuumik soqutigisaqaruit, tassalu aalajangiineq soorlu isaarissanut, isikkivinnut assigisaanulluunniit sunniuteqartussaatillugu taamaaliorsinnaavutit.

Isumaqaruit nunaminertamik atugassinneqarnissamut kommunip aalajangiinera maleruagassanut atuuttunut uniuuttuusoq naammagittaalliuuteqarsinnaavutit. Naammagittaalliuut kommunimut tunniussinnaavat, tassanilu oqaaseqarfigineqassaaq aammalu Aningaasaqarnermut Akileraartarnermullu Naalakkersuisoqarfik, Nuna tamakkerlugu pilersaarusiortarnermut immikkoortortaqarfik, naammagittaalliuummik suliarinnittussamut ingerlateqqinneqarluni nassiunneqassalluni. Naalakkersuisoqarfimmi taamaallaat kommunip aalajangiinerani maleruagassat atuuttut malinneqarsimanersut isummerfigineqassaaq.

Aalajangiinermik tigusininniit naammagittaalliuuteqarnissamut sapaatit akunnerinik arfineq pingasunik periarfissaqarputit.

Naammagittaalliuutinni tamakkiisumik taperserneqarsimanngikkuit, naammagittaalliuutit pillugu Naalakkersuisoqarfiup aalajangiineranut tunngatillugu eqqartuussivinnut naammagittaalliuuteqarsinnaavutit.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Aningaasaqarnermut Akileraartarnermullu Naalakkersuisoqarfik
Nuna tamakkerlugu pilersaarusiortarnermut immikkoortortaqarfik
Imaneq 4
Postboks 1037
3900 Nuuk

Oqarasuaat: (+299) 34 50 00
E-mail: landsplan@nanoq.gl
Nittartagaq: www.naalakkersuisut.gl