Nunaminertamik atugassiisarneq – Inissiigallarneq

Nunaminertamik atugassiisarneq – Inissiigallarneq 

  • Qeqqata Kommunia

    Nunaminertamik atugassinneqarallarnissamut NunaGIS aqqutigalugu qinnuteqarsinnaavutit.

    Qinnuteqaatit atsiorukku aatsaat atuussinnaavoq. Taamaammat qarasaasiakkoortumik atsiortarnerup atuutilernissaata tungaanut qinnuteqaat, taassuma immersorneranut atatillugu, suli atsiortussaatitaavutit. Nunaminertap sumiiffigisaani illoqarfimmi tassani qinnuteqaatit najukkanni innuttaasunik sullissivimmut imaluunniit nunaqarfiup allaffianut nassiulluguluunniit tunniutissavat. Qinnuteqaatit uunga mailersinnaavat qeqqata@qeqqata.gl

    Internet-imut attaveqanngikkuit nunaminertamik atugassinneqarallarnissamik qinnuteqaatinnik, innuttaasunik sullissiviup imaluunniit nunaqarfiup allaffata ikiorsinnaavaatsit.

    Malugiuk

    NunaGIS.gl aqqutigalugu nunaminertamik atugassinneqarnissamik qinnuteqarsimaguit, qinnuteqaat atsiugaq najukkanni innuttaasunik sullissivimmut imaluunniit nunaqarfiup allaffianut kingusinnerpaamik sapaatit akunneri sisamat qaangiutsinnagit nassiulluguluunniit tunniutissavat, qinnuteqaallu
    Teknikkimut Avatangiisinullu immikkoortortammut ingerlateqqinneqassalluni. Qinnuteqaat sapaatit akunneri sisamat qaangiutsinnagit Teknikkimut Avatangiisinullu immikkoortortap tigusimanngippagu qinnuteqaatit atorunnaarsinneqassaaq.

    Akigititat
    Nunaminertanik atugassinneqarnissamik qinnuteqaatit assigiinngitsut
    Suliassat minnerusut sinneri (umiatsiatnut, containerinut
    il. il. piffissami killilimmi nunaminertanik atuinissat)            kr. 250,00

    Qimmilivinnut nunaminertat                                                kr. 250,00

    Pilersuinermut pingaarnermut atortunut (teknikkikkut
    illuliat, pilersuinermut aqqutit, kuuffissuit, imermut,
    innaallagissamut oqarasuaatit aqqutaat assigisaallu)        kr. 500,00

    Pilersuinermut aqqut 50m sinnerlugu takinerusunut
    100m-imut tapeq, taamaattorli annerpaamik 10.000 kr.     kr.  10,00
Nunaminertamik atugassinneqarallarnissaq piffissami sivikitsuinnarmi atorsinnaavat, soorlu
  • sanaartornerup kingorna saliinissamut atatillugu container-imik inissiigallarnermut
  • ukiuunerani angallammik qaqitsininni inissiigallarnermut

Nunaminertamik atugassinneqarallarnissamut najukkanni innuttaasunut sullissivik imaluunniit nunaqarfiup allaffia aqqutigalugu kommunimut qinnuteqaatigisinnaavat.

Kommunip aalajangissavaa
  • sumut inissiigallarsinnaanersutit
  • piffissami qanoq sivisutigisumi inissiigallarsinnaanersutit
  • inissiigallarnissaq qanoq akeqassanersoq

Malugiuk
Inissiigallarnermut piumasaqaatit naammassisimanngikkukkit, akiliisinneqarnissat ilimagisinnaavat. Piumasaqaatit inissiigallarnissamut atuutsinneqartut tassaasinnaapput
  • Container-ip siunertamut aalajangerneqartumut taamaallaat atorneqarnissaa
  • Akuersissutip pigisavit ersinnissaa, soorlu container-imi angallammiluunniit

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Namminiilivinnermut, Pinngortitamut, Avatangiisinut Nunalerinermullu Naalakkersuisoqarfik
Imaneq 1A - 801
Postboks 1614
3900 Nuuk

Oqarasuaat: (+299) 34 50 00
Fax: (+299) 34 54 10
E-mail: pann@nanoq.gl
Nittartagaq: www.naalakkersuisut.gl