Nunami umiatsiamut inissiivik – Nalinginnaasumik paasissutissiineq

Nunami umiatsiamut inissiivik – Nalinginnaasumik paasissutissiineq 

Umiatsiaatilippassuit piffissami sivikinnerusumi sivisunerusumiluunniit umiatsiartik nunamiitissallugu pisariaqartittarpaat. Soorlu ukiuunerani inissiivissatut, umiatsialluunniit iluar­saannerani qalipanneraniluunniit.

Umiatsiaqaruit nunamullu qaqikkusullugu, taava umiatsiamut inissiivissaqartariaqarputit. Umiatsiannut inissiivissatut periarfissat pingasuupput:

Pisortat inissiisarfiutaat
Pisortat inissiisarfiutaat piffissami aalajangersimasumi atorneqarsinnaavoq, sivisunerpaamik ukioq ataaseq atorsinnaasat. Pisortat inissiisarfiutaanni illit nammineq umiatsiat sumut inissinnissaa aalajangersinnaanngilat, tamanna kommunip aalajangissammagu.

Ataavartumik inissiisarfik
Ataavartumik umiatsiamut inissiisarfik tassaavoq, piffissamik aalajangersimasumi killiliiffiunngitsoq. Kommune akuersitillugu umiatsiat sumut inissikkusunnerlugu qinnutigisinnaavat. Assersuutigalugu soorlu illuit silataani.

Piffissami sivikinnerusumi inissiivik
Piffissami sivikinnerusumi umiatsiat inissikkallarniarlugu qinnutigisinnaavat, soorlu annikinnerusumik iluarsaatassaappat.

Malugiuk
Umiatsiaatilittut umiatsiavit inissiivissaa illit akisussaaffigivat. Umiatsiat qaqissimagukku, inissivissannik qinnuteqaqqaarnak, umiatsiavit kommunimit peerneqarsinnaanissaa naatsorsuutigisariaqarpat.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Namminiilivinnermut, Pinngortitamut, Avatangiisinut Nunalerinermullu Naalakkersuisoqarfik
Imaneq 1A - 801
Postboks 1614
3900 Nuuk

Oqarasuaat: (+299) 34 50 00
Fax: (+299) 34 54 10
E-mail: pann@nanoq.gl
Nittartagaq: www.naalakkersuisut.gl