Sanaartornissamut akuersissut – Nalinginnaasumik paasissutissiineq

Sanaartornissamut akuersissut – Nalinginnaasumik paasissutissiineq 

Illuliorniaruit, soorlu illumik illulluunniit alliniarlugu, sanaartulinnginninni akuersissuterpaaluit pissarsiareqqaarsimassavatit. Siullermik salliutillugulu Nunaminertamik atugassiinermik akuersissut pigissavat. Nunaminertamik atugassiinermik akuersissut tassaavoq, kissaatigisat naapertorlugu arlaanni sanaartor­nissamut akuersissut. Taamaattumik peqarnissanni patsisaavoq, Kalaallit Nunaanni nunamik piginnitto­qarsinnaanngimmat. Illuatungaatigulli innuttaasut nunamik atuisinnaatitaallutik. Nunaminertamik atu­gassiinermik akuersissut tassaavoq, nunamik aalajangersimasumik atuisinnaaninnut uppernarsaat.

Nunaminertamik atugassiinermik akuersissut pigileriarukku, taava Sanaartornissamik akuersissummik qinnuteqarsinnaalissaatit. Sanaartornissamik akuersissummik qinnuteqassaatit, soorlu nutaamik illuliorniaruit illuluunniit pigisat allanngortinniarukku. Sanaartornissamut akuersissut uppernarsaataavoq, tas­sanilu qanoq ittumik sanaartorniarninnut akuersissutaanersoq allaqqassalluni.

Kommunini tamani Sanaartornermik nakkutilliisoqarpoq, taakkulu qulakkeerniassavaat sanaartorniakkavit allanngortinniakkavilluunniit Sanaartor­nermi Malittarisassani piumasarineqartut naammassisimassagitit. Sanaartornermi Malittarisassat tas­saapput sanaartornermi suut naammassineqarnissaannik teknikkikkut maleruagassat, soorlu mak­kuusinnaallutik, oqorsaatissianut tunngasut, ikuallattoorsinnaanermi sillimaniarnermut tunngasut illullu sukaanut tunngasut.

Malugiuk
Sanaartornissamut akuersisut pissarsiareereerukku aatsaat sanaartugassat aallartissinnaavat.

Sanaartugaq naammassippat, Sanaartornermik nakkutilliisup sanaartugaq akuersissutigissavaa. Akuerineqarpallu taava Atuisinnaanermut akuersissummik tunineqassaatit, tas­suunalu sanaartukkavit atorsinnaanera akuerineqassaaq, soorlu illuliannut nutaamut nutsersinnaalerlu­tit.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Namminiilivinnermut, Pinngortitamut, Avatangiisinut Nunalerinermullu Naalakkersuisoqarfik
Imaneq 1A - 801
Postboks 1614
3900 Nuuk

Oqarasuaat: (+299) 34 50 00
Fax: (+299) 34 54 10
E-mail: pann@nanoq.gl
Nittartagaq: www.naalakkersuisut.gl