Kommunip puttasuutai

Kommunip puttasuutai 

Illoqarfiit nunaqarfiillu tamarmik umiatsialivimminni kommunit pigisaannik puttasoqarput. Puttasut tassaapput niutsiviusinnaasut, innuttaasutullu illit umiatsiaaqqat umiatsialluunniit taakkununnga pitussinnaavat.

Puttasut apriilip aallartinnerata nalaani aqqarneqartarput, novembarillu aallartinnerata nalaani qaqinneqartarlutik.

Kialluunniit inissaqartillugu puttasut atorsinnaavai. Puttasut atorneri akeqanngilllat. Kommunit puttasuutaanni aallaavittut innaallagissamut imermulluunniit attaveqarnissaat naat­sorsuutigissanngilat.

Kommunip suut puttasuutiginerai paasiniarlugit, kommunimi najugaqarfinni kommunip allaffeqarfia attaveqarfigiuk.

Illoqarfiit amerlanersaanni umiatsiaaratileqatigiiffeqarpoq, taakkunanilu umiatsiaaqqamut inissamik attartortoqarsinnaasarluni. Najugaqarfinni paasissutissanik annertunerusunik perusukkuit umiatsiaaraatileqatigiiffik attaveqarfigiuk.


Malugiuk
Umiatsianni puttasuni pitoqqatitanni tillittoqarsimappat, tamanna kommunip akisussaaffiginngimmagu.

Maluginiartariaqarpat puttasut qaqinneqarnerini illit umiatsiavit isumannaarnissaa akisussaaffigigakku, taamatullu aamma illit akisussaaffigissallugu ukiuunerani umiatsiaaqqavit isumannaarnissaa.

Eqqaamallugu umiatsiavit qaqinneqarnissaani kommunimut qinnuteqarnissat - umiatsilivissamik.


Naammagittaalliuuteqarneq
Kommunip puttasuutai pillugit naammagittaalliuutissaqaruit, sumiiffinni kommunip allaffeqarfia attaveqarfigissavat.

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Namminiilivinnermut, Pinngortitamut, Avatangiisinut Nunalerinermullu Naalakkersuisoqarfik
Imaneq 1A - 801
Postboks 1614
3900 Nuuk

Oqarasuaat: (+299) 34 50 00
Fax: (+299) 34 54 10
E-mail: pann@nanoq.gl
Nittartagaq: www.naalakkersuisut.gl