airplanebooksbriefcase business cogs cross election entertainment fish house law lockmedicalpeopleselfservices socialtax

Pisortat umiatsiaaqqeriviutaat

Pisortat umiatsiaaqqeriviutaat 

Akigititat
Akigititat akinut allattorsimaffimmi ataaniittumi nassaarisinnaavatit.

Akit allattorsimaffiat - 2018 (quppernermit 68-imit)
Illoqarfiit tamarmik nunaqarfiillu amerlanersaat umiatsiaaqqeriveqarput, taakkulu innuttaasunit tamanit umiatsiaaqqaminnik iluarsaassiffigalugit atorneqarsinnaallutik. Illit umiatsi­aaraqaruit minnerusumik glasfiberimik angallateqaruit, taava umiatsiat iluarsaallugu pisor­tat umiatsiaaqqeriviutaat atorsinnaavat.

Umiatsiaaqqeriviit kiassarneqartuupput, ukiorlu kaajallallugu atorneqarsinnaallutik.

Illit nammineq umiatsiaaqqavit iluarsaannissaa isumagissavat, illillu nammineq atortuutit umiatsiaaqqerivimmiititatit akisussaaffigissallugit.

Umiatsiaaqqerivinni tamani aalajangersagaqarlunilu malittarisassaqarpoq, soorlu qanoq ammasarnerinut tunngasutigut
  • Qanoq ililluni umiatsiaaraatiliup umiatsiaaqqerivimmut matuersaatit pissarsiarissagai
  • Suut malittarisassaanersut
  • Umiatsiaaqqeriviup atornera qanoq akeqarnersoq
  • Umiatsiaaqqeriviup atortuutit suut pigisarinerai
  • Kranip atornissaanut periarfissaqarnersoq
  • Umiatsiaaqqat qanoq angitigisut umiatsiaaqqerivimmut eqqunneqarsinnaanersut

Illit illoqarfinni nunaqarfinniluunniit umiatsiaqqerivimmi malittarisassat suuneri paasiniarlugit kommuni najugarisat attaveqarfigiuk.

Naammagittaalliuuteqarsinnaaneq
Assersuutigalugu umiatsiaaqqerivik saligaatsuutinneqanngippat aserfallatsaalineqaraniluunniit, imaluunniit arlaatigut sillimaniarnikkut ulorianartoqarluni, tamakku naammagittaal­liuutigisinnaavatit. Taama iliorniaruit, taava sumiiffinni kommunip allaffeqarfia attaveqarfi­gissavat.
Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl