airplanebooksbriefcase business cogs cross election entertainment fish house law lockmedicalpeopleselfservices socialtax

Qimmit Kangerlussuup mittarfianut akunnittut

Angalasunut qimmiutilinnut Kangerlussuup mittarfiani akunnittunut ilisimatitsissut 

Qimmeq/-it pineqartoq/-tut pinngitsooratik pituuttaqartinneqassapput aammalu Hotel Umimmaap mittarfiullu eqqaani perusuersartikkiartorlugit sivikitsuinnarmik aneersinneqarsinnaapput. Timmisartut kinguaattoorneri unnuisariaqalernermik kinguneqarpat, qimmit Kangerlussuup mittarfianiit Hotel Umimmammut biilinik assartorneqassapput. Qimmit piffimmi tassani aneertinneqarnissaat inerteqqutaavoq.

Tassalu nalinginnaasumik pisuttuaqatigineqarsinnaatitaanngillat. Qimmeq uumasunik allanik attuissanngilaq. Piumasaqaataasunik unioqqutitsinerit akiliisitaanermik kinguneqartinneqarsinnaapput.
Angalasut qimmiutillit qimminik qimuttunik attuissanngillat. Qimminik piginnittut qimmit anarsimatillugit anaa puussiamut ikillugu eqqaavimmut igittassavaat. Kalaallit qimmii qimuttut qimminit allaneersunit nappaatinik tunillanneqannginnissaannut illersorniarlugit taamatut piumasaqaateqartoqarpoq.

Qimmit Kangerlussuup mittarfianut akunnittut 

Kalaallit Nunaanni Uumasut Nakorsaqarfik Inuussutissalerinermullu Oqartussaaffik (UNIO) qimmiutilinnut timmisartut kinguaattoorneri/aallartussaajunnarneri pissutigalugit qimmiminnik Kangerlussuarmi unnuisitsisariaqalersunut ima piumasaqaateqassaaq:

Kangerlussuaq aammalumi Kangerlussuarmi mittarfik qimuttunik qimmeqarfiusumiipput. Qimmit qimuttut kiisalu qimmeqarneq qitsuuteqarnerlu pillugit Inatsisartut inatsisaanni nr. 18, 30. oktober 1998-imeersumi § 19 imm. 2 naapertorlugu qimminik qimuttoqarfiusunut qimminik eqqussinissaq sunaluunniit inerteqqutaavoq.

Taamaattoq qimmit angalanermut atatillugu Kangerlussuup mittarfianut akunnittut piffissami sivikitsumi mittarfiup eqqaaniitsinneqarsinnaapput.

Timmisartut kinguaattoornerisa aallartussaajunnaarnerisaluunniit kingunerisaanik angalasut qimmiutillit Kangerlussuarmi unnuisariaqalersillugit siunnersuutigineqarlunilu kaammattuutigineqarpoq angalasut qimmiutillit Hotel Kangerlussuarmi mittarfiup utaqqisarfianut atasumi unnuisaqqullugit.

Qimmeq Kangerlussuaq Hotel-imi unnuisinnaatinnagu qimmeq Kangerlussuup Mittarfianit Hotel Umimmammut assartorneqarnerini ingiallorneqassaaq. Qimmeq isumannaatsumik assartorneqassaaq qimmerlu assartorneqarnermi nalaanni qimmit inissaaniitsinneqassalluni. Qimmeq inuinnaat aqqutaatigut aqqartinneqaranilu pisutsinneqassanngilaq.

Qimmeq/-it pineqartoq/-tut pinngitsooratik pituuttaqartinneqassapput aammalu Hotel Umimmaap mittarfiullu eqqaani perusuersartikkiartorlugit sivikitsuinnarmik aneersinneqarsinnaapput. Timmisartut kinguaattoorneri unnuisariaqalernermik kinguneqarpat, qimmit Kangerlussuup mittarfianiit Hotel Umimmammut biilinik assartorneqassapput. Qimmit piffimmi tassani aneertinneqarnissaat inerteqqutaavoq.

Tassalu nalinginnaasumik pisuttuaqatigineqarsinnaatitaanngillat. Qimmeq uumasunik allanik attuissanngilaq. Piumasaqaataasunik unioqqutitsinerit akiliisitaanermik kinguneqartinneqarsinnaapput.

Angalasut qimmiutillit qimminik qimittunik attuissanngillat. Qimminik piginnittut qimmit anarsimatillugit anaa puussiamut ikillugu eqqaavimmut igittassavaat. Kalaallit qimmii qimuttut qimminit allaneersunit nappaatinik tunillanneqarsinnaanerat illersorniarlugu taamatut piumasaqaateqartoqarpoq.