EU-p suliffeqarfinnut peqqussutai

EU-p suliffeqarfinnut peqqussutai 

Kalaallit Nunaat EU-mut ilaasortaanngikkaluartoq, suliffeqarfiit EU-p peqqussutai assigiinngitsut assersuutigalugu avataaniit niuerneq, avammut niuerneq nioqqutissiortutullu pillugit maleruaqqusassaqarpoq. Peqqussutitigut aqunneqarput nioqqutissat tamanut samminerusut, soorlu maskiinat, pinngussat, pinnersaatit, nioqqutissat innaallagissamik atuisut illuliuutissallu, kiisalu nioqqutissat ikinnerusunut tunngasut soorlu elevator-it.

Nioqqutissianut peqqussutit 280-it missaat akuersissutigineqarsimapput EU-mi niuernermi periaatsit (tekniske) akornutaajunnaarnissaannut iluaqutaasussat. Amerlasuut taaneqartarput peqqussutit tunngaviusut Europa-mi pitsaassusissat ataatsimoorussat, European Norms (EN), atorlugit immersugaasartut.

EU nioqqutissianut arlalinnut peqqussusiorsimavoq nioqqutissiat isumannaatsuunerannut, peqqinnartuunerannut, ilusilersornerannut, atugaanerannut ilisarnaasertarnerannullu piumasaqaatit assigiiaarniarlugit. Peqqussutit tamakkua malittariaqarpatit nioqqutissiat pilerisaarutigalugillu tunisinnaassagukkit Danmark-imi nunanilu EØS-imiittunni allani, tassa nunani EU-mut ilaasuni kiisalu Norge-mi, Island-imi Liechtenstein-imilu.

Nioqqutissiortutut, avataaniit pisisartutut nioqquteqartartutullu qulakkiissavat nioqqutissiavit peqqussutit pisariaqartut malissagai taakkualu naapertorlugit akuerineqarlutillu ilisarnaasigaallutik.

Peqqussutit suut suliffeqarfinnut attuumassuteqarnersut siunnersorneqarnissamut attavigisinnaavatit:
  • Greenland Business
  • Namminersorlutik Oqartussani Inuussutissarsiornermut Pisortaqarfik imaluunniit Nunanut allanut Pisortaqarfik

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl