Pitsaaqutit pitsaanngequtillu

Pitsaaqutit pitsaanngequtillu 

Taarsigassarseriaatsit assigiinngitsut pitsaaquteqarlutillu pitsaanngequteqartarput, tamakkulu pisuni ataasiakkaani tamani nalilersussavatit.


Aningaaserivimmit taarsigassarsiat inuussutissarsiummullu aningaasanik taarsigassarsisinnaaneq
Malittarisaq pingaarneq tassaavoq pilersitsinerup aningaasalersornissaanut aningaaserivimmiit taarsigassarsisinnaaneq, suliffeqarfiullu ingerlatsinera inuussutissarsiummut aningaasanik taarsigassarsinikkut aningaasalersorneqarsinnaalluni. Misilittakkat takutippaat tamanna suliffeqarfiup aningaasalersorneqariaasianut pitsaanerpaasoq, suliffeqarfik aningaasatigut tigoriaannartigut ajornartoornissaanit eqqoruminaannerulissammat.

Sanaartornerup inuussutissarsiummut taarsigassarsinikkut aningaasalersornissaanut patsisituaavoq erniatigut iluaqutaasinnaagamik, tassa inuussutissarsiummut taarsigassarsinermi erniat isertut anisullu malillugit allanngorartarmata. Ataatsimulli isigalugu pitsaavallaanngilaq ingerlatsinermut pilersitsinermullu aningaasalersuineq akuleriississallugit.


Aningaaserivimmit realkredit-imilluunniit taarsigassarsineq
Ukiut qulit sinnerlugit akilersugassanut aningaasaliissutinut tunngatillugu ataatsimut isigalugu realkredit-imit taarsigassarsiat aningaaserivimmit taarsigassarsianit akikinnerupput. Akerlianilli aningaaserivimmit taarsigassarsiat pitsaaqutigaat taarsersuinissamut qulakkeerinissamullu inatsisitigut piumasaqaateqartoqanngimmat. Realkredit-imit taarsigassarsisoqarsinnaavoq illuutit 60 %-ii angullugit qularnaveeqqutigisinnaappagit realkreditinstitut-ip inuussutissarsiornermut illuutinik naliliinera malillugu.

Aningaasaliissutit ukiut qulit inorlugit akilersugassaassappata realkredit-i atorlugu aningaasalersuinissaq nalinginnaasumik pingaaruteqanngilaq. Periarfissat allat tassaapput soorlu aningaaserivimmit taarsigassarsineq sivisunerusumilluunniit attartorneq.


Sivisunerusumik attartorneq
Sivisunerusumik attartorneq taarsigassarsinermut namminerluunniit aningaasalersuinermut sanilliullugu eqaannerusinnaavoq. Sivisunerusumik attartorneq atorumaneqarnerusarpoq suliffeqarfinni aallarteqqaani suliffeqarfinniluunniit annertusiartorluartuni. Taamatut attartornermi suliamut tunngatillugu attartornermik taaneqartartumi selskab-ip attartortitsisup atortussat pigisussaavai aserfallatsaalinerallu pisussaaffigalugu.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl