Isumassarsiaq, tunitsivik aningaasaqarnerlu

Isumassarsiaq, tunitsivik aningaasaqarnerlu 

Suliffeqarfiit amerlanerit aallartikkajuttarput niuernermi isumassarsiaq pioreersoq atorlugu. Tamatuma kinguneranik suliffeqarfiit amerlasuut niuerfimmi tassanerpiaq pisisussat taakkorpiaat unammilleqatigiissutigisarpaat. Taamaattumik misissortariaqarpat sullissinerit niuerfimmi inissaqarnersoq.

Tamatuma kinguneranik nammineq qulaajartariaqassavat nioqqutissat sullissinerluunniit sunarpiaanersoq, kikkullu pisariaqartinneraat. Nioqqutissiaq sullissinerluunniit tuniniarukku erseqqissartariaqarpat sutigut pioreersunit allaassuteqarnersoq. Aamma nassaarisariaqarpat nioqqutissiat sullissinerilluunniit kia pisariaqartinneraa.


Niuerfinnik misissuineq
Tamanna ingerlassinnaavat niuerfinnik misissuinikkut, pisisinnaasut makkunatigut paasiniarlugit:

  • pissuserisaat
  • pisinermut patsisigisaat
  • pissusilersoriaasiat
  • niuerfimmi pingaarutillit allat


Niuerfinnik misissuineq tunngavigalugu kikkut saaffiginiarnerlugit aalajangersorsinnaavat, soorlu aallaavigalugit angutaaneq/arnaaneq, ukioqqortussuseq, inuussutissarsiut najugarlu imaluunniit pissusilersoriaatsit aallaavigalugit soorlu inooriaaseq, soqutigisat inuttullu atukkatigut periutsit.

Aallaqqaammut sullissininni samminiakkatit ikittuullutillu kinaassusersimasariaqarput oqariartuutit ilisimatissinnaajumallugu. Taava kingusinnerusukkut amerliartortissinnaavatit.


Niuernikkut pilersaarusiut
Suliffeqarfiup nammineq pigisap aallartinniarnera akeqartarpoq, sunaluunniit suliffeqarfissaq eqqartorneqartillugu, suliffeqarfiullu aallartinnissaanut uppernarsaateqartinnak aningaasanik taarsigassarsisinnaanngilatit. Aningaaseriviit aningaasaliisartullu allat qulakkeerutissanik isumalluuteqareernissaq piumasarisarpaat. Taamaattumik aningaasaliisartut amerlanerpaat piumasarisarpaat suliffeqarfivit aallartinnissaanut ingerlatsinermillu pilersaarusiaq takujumallugu. Piumasarisarpaat aningaasaliinermut, aningaasanut tigoriaannarnut ingerlatsinermullu missingersuutit. Taamaattumik isumassarsiatsialaavoq niuernikkut pilersaarusiornissat. Qanoq annertutiginissaanut qanorlu immikkuualuttortaqartiginissaanut apeqqutaavoq suliffeqarfik qanoq ittoq aallartinniarnerit, kisianni pitsaasuujuaannarpoq sapinngisamik itisilerluarnissaa.

Niuernikkut pilersaarusiornermut skabelon-i

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl