Ajutoorfiusinnaasut nalilersornerat

Ajutoorfiusinnaasut nalilersornerat 

Suliffimmik nammineq pigisannik aallartitsiniaruit tamatigut eqqarsaatigisariaqarpat namminersortuugaanni suut ajutooratarfiusinnaanersut.


Namminermut ilaquttanullu tunngasut
Ullumikkut isumannaatsumik akissarsiaqarlutit suliffeqaruit namminerisannik tamakkiisumik suliffiutitaarniariaruit akissarsiatit ingerlaannaq piissapput. Isertittakkat annaariataarnerat ajornartoorutaasinnaasarpoq pingaartumik suliffeqarfiutitaanni ullormit siullermiit isaatitaqalernissat naatsorsuutigisinnaanngikkukku.

Assersuutigalugu namminerpiaq pigisannik suliffiutitaaruit, suliffeqarfiutinni qanoq iliuutsinnut nammineq pigisatit nalillit tamarmik akiliutissanngorsinnaapput. Illunni nalilinnik pigisaqaruit akiitsoqarfivit piumasarissavaat akigissagitit tunisariaqassagaluarukkuluunniit. Aappaqaruit pingaaruteqarpoq eqqarsaatigissallugu annaasatit akiliisinnaajunnaarnerilluunniit aapparisannut qanoq kinguneqarsinnaanersut.

Pingaaruteqarpoq suliffiutitaarniarnerit pillugu ilaquttavit oqaloqatigilluarnissaat, ammasumik oqaluuseralugit ajornartorsiutit suut ilaqutariinnut sunniuteqarsinnaanersut.


Suliffiuteqarfigisami ajutoorfioratarsinnaasut
Nammineq suliffeqarfiutinnik aallartitsininni ajutoorfigeratarsinnaasatit takulluarsinnaajumallugit aallartinnginninni makkua eqqarsaatigereersimasariaqarpatit.


Suliffeqarfiutissanni nukittuffiit sanngeequtillu
Nukittuffitit sanngeequtitillu eqqarsaatigisariaqarpatit, soorlu makkua aallaavigalugit:

  • Inuttut sunik piginnaassuseqarpit?
  • Suliffiutivit aqqa ilisarnarluarpa?
  • Aningaasatigut isumannanngilatit?
  • Sumiiffinni inissisimanera pitsaasuua?
  • Pitsaasunik suleqateqarpit?
  • Nioqqutissiat/sullissinerit nutaarsiassatut naleqarpa?
  • Immikkut pilerisaarissuteqarpit?
  • Aningaaserivinnut atanerit qanoq ippa?
  • Pilertortumik isertitaqalersinnaavit?
  • Suliaqarfivit iluani teknologinik nutaanik ilisimasaqarpit?


Suliffeqarfiutivit niuerfimmi periarfissai
Suliffeqarfiutivit niuerfimmi periarfissai eqqarsaatigisariaqarpatit, assersuutigalugu makkunatigut:

  • Niuerutiginiakkanni nutaanik pisisussaqarpa?
  • Pisortat suliffeqarfinnik annertusaappat?
  • Pisisartut nioqqutissiannik nutaamik periarfissiippat?
  • Ilanngaasiisinnaanerit inatsisitigut periarfissaqarpa?
  • Ikiorsiinernut/tapiissutinut periarfissaqarpa?
  • Niuerfitit akiliisinnaassuseqarpat?
  • Aningaasat nalingisigut ajornartoortoqarsinnaanerpa suliffeqarfiutinnut iluaqutaasinnaasunik?


Nunarsuarmi avatangiiserisami navianarsinnaasut
Nunarsuarmi avatangiiserisanni navianarsinnaasut eqqarsaatigisariaqarpatit, assersuutigalugu makkunatigut:

  • Sanaartorneq unitsitaava, sullitat allamut nuuttut/matusut, pisisinnaassuseq annikillisoq, periarfissat nutaat sullissereerninnit nioqqutissiareriikkannillu allaasunik pisariaqartitsisut?
  • Niuerfeqarfiit teknologip nutaap akisuullu tigusimanerpaa?
  • Akissaqarluartunik nutaanik unammillerneqarpit, piffissat matoqqasarfiit pillugit inatsit allannguuteqarpa, unammillikkat ikiorsigaaneri tapiiffigineqarnerilu, pisisarfiit piumasarisaat suliffeqarfissuarnut pitsaaqutaasut?
  • Nutaamik inatsisiliortoqarnerpa sullissininni immikkut ilinniarsimanissaq pisariaqalerluni?

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl