Namminersortoq imaluunniit sulinermik inuussutissarsiuteqartoq

Namminersortoq imaluunniit sulinermik inuussutissarsiuteqartoq 

Pingaarnerpaajuvoq aningaasanik isertitaqarnissaq ungasinnerusorlu isigalugu suliffeqarfiup sinneqartooruteqalernissaa. Sinneqartoorutit naammattumik amerlassuseqartariaqarput suliffeqarfimmut aningaasaliissutaasimasut akilersornissaannut piginnittorlu naammaginartumik pissarsisariaqarluni.

Nammineq soqutigisatit ingerlanniarlugit ersertikkukkit assersuutigalugu soorlu umiartorneq, uumasuuteqarneq, nipilersorneq eqqumiitsuliornerluunniit, nalorninarpoq akileraaruteqarnermut pisortat tamanna inuussutissarsiutitut isigissaneraat. Tassami akileraartarnikkut assigiinngitsorujussuuvoq suliffeqarfik inuussutissarsiutaanersoq sunngiffimmiluunniit ingerlataanersoq.


Namminersortoq
Apeqqutit matuma kinguliiniittut amerlanersai aappimik akisinnaagukkit namminersortutut isigineqalersinnaanerit ilimanarluinnassaaq:

  • Sulineq nammineq pilersaarusiorpiuk, aquppiuk, agguaappiuk nakkutigaajullu?
  • Sullitamit ataasiinnaanngitsumiit isertitaqartarpit?
  • Arlallit ataatsikkut sullippigit?
  • Suliaq naammassigaangat aatsaat akissarsisarpit?
  • Nammineq atorfinitsitsisinnaavit?
  • Suliannut akisussaavit aningaasatigullu ajutooratarsinnaaneq ilinniippa?
  • Nammineq suliffiutinni sulisuuvit aningaasartuutitillu nammineq akilertarpigit?
  • Sakkut maskiinallu sulinermi atukkatit nammineq pigaagit atortussallu nammineq tunniuttarpigit?
  • Suliamut paasisimasaqarluarlutit pilerisaarutitigut takutittarpiuk suliallu aalajangersimasut suliaralugit?
  • Suliffimmi ajutoortoqaratarsinnaanera akisussaaffigaajuk?
  • Suliamut ingerlatannut immikkut pisinnaatitaavit, aningaasaligaavit imaluunniit akuerisaavit?


Sulinermik inuussutissarsiuteqartoq
Apeqqutit matuma kinguliiniittut amerlanersai aappimik akisinnaagukkit sulinermik inuussutissarsiuteqartutut isigineqassajunnarsivutit:

  • Suliat qanoq ingerlatissanerit pillugu aalajangersimasunik malittarisassaqarpa, allaat immaqa suliap suliarineqarnera nakkutigilluarneqarluni?
  • Sullitamut ataasiinnarmut aalajangersimasumut sullissisuuvit?
  • Sulisuujuarnissamut isumaqatigiissuteqarsimavit?
  • Sullitamit ataasiinnarmiit akissarsisarpit?
  • Sioqqullugu ilimasaarneqareerlutit aatsaat soraarsitaasussaavit?
  • Akunnermut, sapaatip akunneranut qaammammulluunniit suliffigisannut aalajangersimasumik akissarsiaqartitaavit?
  • Akissarsiaq ilanngaatissat ilanngaatigereerlugit akissarsiaavaa, tassa pisianut il.il. aningaasartuuteqarani?
  • Aningaasartuutit suliamut tunngasut allat akilertarpaat?
  • Sulisoqarnermut inatsit – assersuutigalugu feeriartarnermut inatsit, funktionær-itut atorfeqarnermut inatsit – sulinermik inuussutissarsiuteqartutut isigineqarpit?

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl