Nioqqutissiat illersugaanerat – Nalinginnaasumik paasissutissiineq

Nioqqutissiat illersugaanerat – Nalinginnaasumik paasissutissiineq 

Nassaaqaruit illersorsinnaavat qinnutigalugu kisivit pigisattut illersorneqaqqullugu imaluunniit atugassatut illersorneqaqqullugu (brugsmodelbeskyttelse). Aamma eqqarsaatigisariaqarpat nioqqutissiavit ilusiligaanera illersorneqassanersoq (designbeskyttelse).


Nutaarsiassaanerata misissugaanera
Nioqqutissiat ineriartortilersinnagu pitsaasuussaaq nutaarsiassaanersoq misissortikkukku, qulakkeerumallugu nioqqutissatut allanit nassaarineqareersimannginnersoq.


Kisimi piginnittuuneq (patent)
Kisimi piginnittuuneq illersuutitut atorneqarnerpaajuvoq. Tamatumani misissorneqartarpoq nassaarisaq nutaajunersoq ilisimaneqareersunillu annertuumik allaassuteqarnersoq, nassaarisap qaffasissusianik taaneqartartoq (opfindelseshøjde). Kisimi piginnittuuneq pisinnaatitaaffiuvoq nassaarisap pilersitap allanit niuerutissatut atoqquneqannginnissaanut kisimi piginnittuunermik qinnuteqarnermiit ukiut 20-it tikillugit.


Atornissaanut ilusiliineq
Atornissaanut ilusiliineq annikinnerusumik kisimi piginnittussaaneruvoq kisimi piginnittussaanertut nassaarisap kisimiilluni atornissaanut nalunaarsugaalluni. Atornissaanut illersugaanermi kisermaallugu nutaajuneranut piumasaasut assigiinnarpaat, nassaarisalli qaffasissusianut piumasaasut annikinnerullutik – annerpaamillu ukiuni qulini atorsinnaalluni.


Illersueriaatsit allat
Nioqqutissap isikkua pinnersarneraluunniit ilusiliinerup illersugaaneratigut illersorneqarsinnaavoq. Tamatumanissaaq piumasaavoq nutaarsiassaanissaa immikkoortinneqarsinnaaneralu (ilusiliineq ilisimaneqareersunit allaanerusoq).

Ilusilernerata illersornera allaalaartoq tassaavoq taaneqartartoq affaannaagaluamik sunaassusiata nassuiarneqarnera (halvledertopografi) sananeqaataata computerchips-it atorlugit illersugaassutaa.

Ilisarnaatit, titartakkat, naqinnerit qanoq isikkulerlugit allagaanerat, oqaatsit poortuutissalluunniit nioqqutissap ilisarnaataatut illersorneqarsinnaapput. Nioqqutissanut ilisarnaatinut ilisimaneqarluartunut assersuutaasinnaapput LEGO aamma Coca Cola. Illersugaanissaq qinnutigineqarsinnaavoq Danmark-imi, EU-mi nunaniluunniit tamani.

Nammineq pilersitsisuuneq illersorneqarpoq eqqumiitsuliortunut – soorlu oqaasertaanik erinaanillu pilersitsineq aamma immikkorluinnaq imaqartunik pilersitat, soorlu pequtit, atugassatut eqqumiitsuliat, film-it aamma software.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl