Kisimi piginnittuuneq

Kisimi piginnittuuneq 

Illersuusiornermi kisimi piginnittuuneq (patent) atorneqarnerpaajuvoq. Patent pisinnaatitaaffiuvoq nassaarisaq allanut niuernikkut atoqqussanagu patent-imik qinnuteqarnermiit ukiut 20-it angullugit. Taartaassaaq nassaarisap tamanut saqqummiunneqarnera. Tamatumuunakkut allat periarfissaqalissapput nassaarisaq tamanut saqqummiunneqartoq aallaavigalugu ineriartortitseqqinnissamut misissuinissamullu.

Patent-it makkua pissarsiarineqarsinnaapput:
  • Nioqqutissiamut patent-i nioqqutissiamut nutaamut akoorutinullu nutaanut tunngasoq
  • Periaatsinut patent-i periaatsinut nutaanut tunngasoq
  • Atuinissamut patent-i atueriaatsinut nutaanut tunngasoq

Piumasaqaat
Patent-imik pissarsinissamut piumasaasut pingaartut tassaapput, nassaarisaq:
  • nutaajussasoq, tassa patent-imik qinnuteqarneq sioqqullugu taamaaqataanik qinnuteqartoqarsimassanngitsoq
  • qaffasissuseqassasoq, tassa nassaarisaq nunani tamani ilisimaneqareersunit annertuumik allaassuteqassasoq
  • suliffissuaqarnermi atorneqarsinnaassasoq

Qulaaniittut piumasaqaatit pingaarnerpaaginnaapput, tassa arlaqarsinnaapput.


Nunagisami nunaniluunniit tamani illersugaaneq
Illersorneqarnissat qinnutigisinnaavat nunagisanni patent-ilerisut aqqutigalugit, imaluunniit nunani tamani patent-imut aaqqissuussinerit aqqutigalugit illersorneqarnissat qinnutigisinnaavat. Ungasinnerusoq isigalugu nunami sumi nunaniluunniit qanoq amerlatigisuni patent-eqalerusukkaluaruit pitsaanerujuassaaq siullermik patent-imut dansk-inut qinnuteqaammik tunniussiguit. Dansk-inut patent-imut qinnuteqaatit tunngavigalugu qinnuteqaatip tunniunneraniit qaammatit 12-it ingerlaneranni (ukioq pingaarnerusoq) taamaaqataanik Europa-mut qinnuteqarsinnaavutit (EP) imaluunniit nunanut tamanut qinnuteqarsinnaavutit (PCT) imaluunniit nunami allami qinnuteqarsinnaallutit.


Qinnuteqarneq
Nassaarisat Danmark-imi nunaniluunniit amerlanerusuni illersorneqaqqugukku qinnuteqarfigisinnaavat Danmark-imiittoq Patent- og Varemærkestyrelsen. Qinnuteqaatip imarissavai nassaarisap allaaserineqarnera aamma taamaattoqarpat titartakkat teknikkimullu tunngasut allat bilag-itut ilanngullugit. Patent-ip allaaserineqarnera inatsisilerinikkut tunngavissaavoq, inassutigineqarporlu agent-inut siunnersuisumik suliaritinneqassasoq.

Styrelsen-eqarfiup nittartagaatigut – www.dkpto.dk – qanoq qinnuteqassanersutit, qinnuteqaatinut assigiinngitsunut piumasaqaatit kiisalu akigititat sukumiinerusumik atuarsinnaavatit. Tassanittaaq patent-imik toqqaannartumik attaveqaatitigoortumik qinnuteqarsinnaavutit.


Paasissutissat amerlanerusut
Patent-imut piumasaqaatit Patent-inut inatsisini Patent-inilu nalunaarutini malittarisaliaapput, Patent- og Varemærkestyrelsen-ip nittartagaani nassaarisinnaavat.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl