Suliffeqarfiup aqqa – Ilusilernera

Suliffeqarfiup aqqa – Ilusilernera 

Suliffeqarfivit nutaap aqqa ilusilerukku makkua nakkutigissavatit:
  • Suliffeqarfiup aqqa nioqqutissiaalu toqqassallugit
  • Kukkussutaagajuttartut pinngitsuussallugit
  • Suliffeqarfiup aqqata illersugaanera qulakkiissallugu

Suliffeqarfiup aqqa aqqiluunniit suliffeqarfiup pisortatigoortumik aterai, aamma imminut qanoq taasarnersoq allakkat pappiarartaani, takoqqusaarutimini, nioqqutigisamini poortuutiminilu, oqarasuaatikkut ulluinnarnilu oqalunnermi. Tamatuma saniatigut suliffeqarfiup nioqqutissiai ateqarsinnaapput atillu aaqqissugaanerat atorneqarsinnaalluni.

Atsiussaq torrallataq suliffeqarfimmut nioqqutissiamulluunniit aallartilluaataasinnaavoq. Suliffeqarfik nutaaq ataqqinassuseqalersinnaavoq eqqaamaneqartussamik. Kingornatigut allamik atserneq akisuvoq ajornakusoorlunilu, pisisartullu puullaaqisissallugit.

Ateq pitsaasoq oqaatsit amerlasuut atorlugit taaneqarsinnaassaaq, isumaqarluarluni tusarnerlunilu, naatsunnguulluni misigissutsinut ilisimasaqassutsimullu saaffiginnilluni.


Tunngaviusumik toqqaaneq
Atermik toqqaannginninni makkua eqqarsaatigissavatit:
  • Ateq inuit aqqinik ilaqassava?
  • Nioqqutigisamut tunngassava?
  • Sumiiffigisamut nunanulluunniit tamanut sammissava?
  • Angorusutat ersersinneqassappat?
  • Eqqumiitsuliortup aterisinnaavaa?

Atip ilisaritinnera
Atermut pitsaasumut atermut ilisarnaat pitsaasoq ilaavoq, tassa ateq naqitanngorluni qanoq isikkoqassanersoq. Atip ilusilerneratigut takutinneqassapput:
  • Pitsaassuseq atuaruminassuserlu
  • Suliffeqarfiup sunaassusianut naapertuutissaaq
  • Saqqummernermi atorneqarnerminilu allanngorani atortuassaaq

Suliffeqarfik atserneqarpat aqqa ilisaritinneqassaaq.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl