Itilleq aamma Sarfannguit

Kommunip nunaqarfiini avannarlerni marlunni, piniarneq aalisarnerlu aallaavittut namminersorluni inuutissarsiutigineqarput.
Sarfannguit 1843-mi tunngavilerneqarpoq, Itillerlu 1933-mi tunngavilerneqarluni.
Itilleq

Kommunip nunaqarfiini avannarlerni marlunni, piniarneq aalisarnerlu aallaavittut namminersorluni inuutissarsiutigineqarput. Ilaatigut innuttaasut nunaqarfinni aqutsisut aalisakkanillu tunisassiorfiit peqatigalugit tunitsivinnut tunisassiornermullu tunngasunik akisussaaffeqarnerulersinnerisigut, inuutissarsiutitigut suliassaqartitsinikkullu toqqammaviit inartortinneqartuassapput.

Nunaqarfiit taakku marluk pinngortitami immikkuullarissumi inissisimapput, takornarissanillu allaniillumi immikkut misigisaqarfigerusullugit pinngortitallu tunniussinnaasaannik misiliiffigerusullugit ornigarneqartarlutik.

Nunaqarfinni najugallit eqaloqarfinnut aavarnikkullu ilisimaarinnilluartuuneri tikeraanit soqutiginnittuniillu atorluarneqartarnerat periarfissaqarluarpoq.

Nunaqarfiit taakku marluk periarfissai assingugaluarlutik assigiinngillat.

Itilleq
Itilleq, Ilaatigut helekoptererluni sisorariarnissamut periarfissagissaarluni qaqqarsuit akornanniippoq. Itillip kangerluata qinnguani Kangerlussuullu akornanni Qaqortorsuarmi siunissami qaninnerusumi Anorthositenik piiaasoqassasoq naatsorsuutigineqarpoq.

Sarfannguit
Sarfannguit, Sisimiut Kangerlussuullu akornanni pisuinnarnut aqqutaaniippoq, atuilluartumillu teknologiimik ilisimatusarnernut misileraaviulluni. Nunaqarfimmut takornarialerinikkut nutaanik periarfissaqartitsilertussaalluni UNESCO nunarsuarmioqatigiinnut kingornussassanngortinniagaq aamma Sarfannguaniippoq.

Nunaqarfiit taakku marluk ukiut tamaasa umiarsuarnik takornariartaatinik tikinneqartarput, tikinneqartarnermikkullu eqqumiitsulianik assigisaannillu tuniniaanissaminnut periarfissaqartarlutik.

Periarfissat nutaat atorluassagaanni, aalisarnerup piniarnerullu iluani pitsanngorsaaneq imaluunniit takornarissanik sullississagaanni piiaavinniluunniit sulissagaanni oqaatsit pineqaraluarpataluunniit, maannakkut ilisimasat annertusarneqarnissaat pisariaqarpoq.

Nunaqarfiit, nunaqarfinnilu aqutsisut ataasiakkaat ineriartortitsinissaminnik nunataminnilu periarfissanik atorluaanissaminnut namminneq isumaginnissinnaanissaat Kommunalbestyrelsimut pingaaruteqarpoq.


Qeqqata Kommunia

Makkorsip aqq. 2

+299 70 21 00

Qeqqata@qeqqata.gl