airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Maniitsumilu Sumiiffinni Ataatsimiititaliat

Sumiiffinni Ataatsimiititaliat siunertaraat innuttaasut annertunerusumik kommunalbestyrelse-ip aalajangersaaneranut sunniuteqaqataanerunissaat, taamaattumik ataatsimiititaliat marluk pilersinneqassapput ukuullutik
Sisimiuni Sumiffimmi Ataatsimiititaliaq arfineq marlunnik ilaasortaqartoq
Maniitsumi Sumiffimmi Ataatsimiititaliaq tallimanik ilaasortaqartoq

Qeqqata Kommuniani Najukkami ataatsimiititaliat  

Qeqqata Kommuniata kommunip aalajangigassaani innuttaasut sunneeqataanerutikkusuppai.

Aqutsinermut inatsit tunngavigalu illoqarfinni taamaallaat najukkani ataatsimiititalianik pilersitsisoqarsinnaavoq, Qeqqata Kommunianilu Najukkami ataatsimiititalianik pilersitsinissaq Sisimiunut Maniitsumullu atuuppoq.

Innuttaasut ulluinnaannut toqqaannartumik sunniuteqarsinnaasunik suliassanik amerlasuunik Qeqqata Kommunia suliaqartarpoq, kommunillu aqunneqarnerinut inatsimmik tunngaveqartumik illoqarfinni Najukkami ataatsimiititaliatigut kommunip susassaqarfiinni kommunip aqunneqarneranut sunniuteqarnerunissamut innuttaasut atorsinnaasaannik suleqatigiiffimmik pilersitsioqartussaavoq.

Qeqqata Kommuniani Kommunalbestyrelsi nalinginnaasumik 2019-imi maajip 29-ani ataatsimiinnermini malittarisassat suleriaasissallu eqqartorpai. Tassani qinersinermut qanoq ingerlariaaseqartoqassanersoq najukkamilu ataatsimiititalianik aqutsinissamut aalajangersakkanik assigiinngitsunik aalajangersaasoqarpoq.

 

Qeqqata Kommuniani najukkami ataatsimiititaliamut ileqqoreqqusaq  

Kommunit aqunneqarnerat pillugu Inatsisartut inatsisaat nr. 29, 17. november 2017-imeersumi § 32, imm. 2, aamma Borgmesterinik borgmesterillu tulliinik kiisalu kommunalbestyrelsinut nunaqarfinnilu aqutsisunut ilaasortanik aamma najukkani ataatsimiititaliat ilaasortaannut il.il.akissarsiaqartitsineq pillugu Namminersorlutik Oqartussat nalunaarutaat nr. 25, 30. december 2013-imeersumi § 15 kiisalu 2019-imi maajip 29-ani kommunalbestyrelsip aalajangiinera naapertorlugit

Najukkami ataatsimiititaliamut ileqqoreqqusat Kommunalbestyrelsimit akuersissutigineqartut

Qeqqata Kommuniani najukkami ataatsimiititaliap suleriaasissaa  

§ 1 Najukkami ataatsimiititaliat ataatsimiinneri pisortatigoortuupput. Taamaattorli Najukkami ataatsimiititaliap takuuk Najukkami ataatsimiititaliap Qeqqata Kommuniani Maleruaqqusai 8, imm. 2, aalajangersinnaavaa suliaq ataaseq matoqqasumik suliarisinnaallugu.

Imm. 2. Suliassap matoqqasumik ataatsimiissutigisariaqarneranik apeqqut matoqqasumik ataatsimiinnermi isumaqatiginninniutaassaaq, matumani taamaaliornissaq najukkami ataatsimiititaliamit imaluunniit siulittaasumit aalajangerneqarpat.

Imm. 3. Najukkami ataatsimiititaliap suliassat matoqqasumik oqaluuserineqarneranni inunnik kommunimi atorfeqartunik najuuttoqarsinnaanera akuerisinnaavaa.

Imm. 4. Taamaattorli qullersaqarfiup allatseqarfianit sulisumik peqataatitaqartoqartuaannarsinnaavoq, aamma suliat ataatsimiinnerni matoqqasuni oqaluuserineqarnerisa nalaanni.

Qeqqata Kommuniani najukkami ataatsimiititaliap suleriaasissaa aajuk