airplanebooksbriefcase business cogs cross election entertainment fish house law lockmedicalpeopleselfservices socialtax

Perorsaasunik ikiortinilluunniit Maniitsumi Atuartut angerlarsimaffiannut

Qeqqata Kommuniani atuartut angerlarsimaffiat Maniitsumi perorsaasunik ikiortinilluunniit piffissaq tamakkerlugu atorfeqartussanik pissarsiorpoq.
Qinnuteqarfissaq kingulleq:
21. april 2015
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. maj 2020
Akissarsiat:
Isumaqatigiissutit malillugit

Atorfininneq isumaqatigiissutillu: 

Qeqqata Kommuniata atuartunut angerlarsimaffiani ukiumi atuarfiusumi 2019/20-mi atuariartortut najugaqartippagut qulit, 13-niniit 16-t tikillugit ukiullit. Taakkua Atuarfik Kilaaseeqqami 9. aamma 10. klassemi atuartuupput. Najugaqartut nunaqarfinniit ukunaneersuupput: Sarfannguit, Itilleq, Napasoq aamma Atammik. Atuartut angerlarsimaffiat ulloq unnuarlu sulisoqartuuvoq, sulisut tassaallutik pisortaq ataaseq, tullersorti ataaseq, perorsaasut/ikiortit pingasut igaffimmilu aqutsisoq ataaseq kiisalu unnuarsiortut 1½, sapaatit akunneranut 40 tiimi paarlakaallutik suliffeqartut.

 

Suliassat akisussaaffiillu

  • Najugaqartut najorneri/isumassorneri/perorsarneri.
  • Qulakkiissallugu najugaqartut ullut tamaasa atuariartornissaat.
  • Atuartut angerlarsimaffianni torersaanermut tunngatillugu suleqatigiinnissaq.
  • Najugaqartut suleqatigalugit sunngiffimmi sutitsisarnissanik ingerlatsisarnissaq.
  • Suleqataaffigissallugu atuartut angerlarsimaffianni atugarisat nuannersuunissaat.

 

Piginnaasassat

  • Perorsaasutut, inulerisutut assingusumilluunniit ilinniagaqarputit
  • Inuusuttuaqqanik 13-16-nillu akornanni ukiulinnik sullissinermik misilittagaqarputit
  • Inuusuttuaqqanik nuannarisaqarputit
  • Angajoqqaat atuarfillu suleqatigilluarsinnaavatit.
  • Aalajaatsuuvutit akisussaassuseqartuullutillu, namminersorlutillu sulisinnaallutit

 

Qinnuteqartumut piumasaqaatit

  • Timikkut tarnikkullu pisinnaarsuuvutit.
  • Perorsaanikkut kaammattuutaasunik sammisaqartitsinernik neqeroornissamut piginnaassaqarputit.
  • Angallassisinnaassaatit

 

Tunniussinnaasagut

Suliffimmi ineriartortumi akisussaaqataallutit peqataagit taamaalillutillu ineriartoqataallutit.

Sulisoqarneq ineriartortitatut suliniutaagami, pikkorissarnerit imaajartinnerillu tarnip pissusaanik ilinniagalimmik suleqateqarluni aallarnisarneqalerput. Tamanna siunertaqarpoq sulisut paarilluarusullugit, ineriartortikkusullugillu.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.


Akissarsiat atorfeqarnermilu atugassarititaasut: 

Perorsaasumut atorfininnerup nalaani Namminersorlutik Oqartussat aamma N.P.K  isumaqatigiissutaat atuuttut naapertorlugit akissarsiaqartitsisoqarlunilu atorfinitsitsisoqassaaq.

Inissaqartitsisoqarsinnaavoq, malittarisassat atuuttut malillugit akilersorneqartussamik.

 

Ikiortimut Namminersorlutik Oqartussat aamma SIK isumaqatigiissutaat atuuttut naapertorlugit akissarsiaqartitsisoqassaaq, inissaqartitsisoqarsinnaananili.

 

Atorfininneq pissaaq 1. maj 2020 imaluunniit isumaqatigiinnikkut.

Atorfinnut paasissutissat annertunerusut pisortamut Eva Jessen-imut oqarasuaat 54 77 93-mut, email kollegiet@kilaas.gl attaveqarnikkut pissarsiarineqarsinnaapput.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 21. april 2020-imi.


Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl

Eva Jessen

(+299) 54 77 93

kollegiet@kilaas.gl