Maniitsumi ulluunerani paaqqinnittarfimmut sulisussarsiorpoq

Qeqqata Kommuniani Maniitsumi ulluunerani meeqqerivik Aanikasimmi sulisussarsiorpugut:
Qinnuteqarfissaq kingulleq:
29. december 2015
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. januar 2016
Akissarsiat:
Isumaqatigiissut malillugu

Maniitsumi ulluunerani paaqqinnittarfinnut sulisussarsiorpoq 

Akuleriisillugit Meeqqerivik Aanikasik

• perorsaasoq ataaseq

Meeqqanut 54-nut ukioqanngitsuniit arfinilinnik ukiulinnut, inini sisamani agguarsimasut. Paasissutissat pineqarsinnaapput:

Pisortamut Malia L. Rosing-imut oqarasuaat: 81 33 75.

Meeqqerivinnut ataasiakkaanut tunngatillugu, paasissutissat allat atuarneqarsinnaapput uani www.qeqqata.gl Meeqqeriviit ataani.

Marluinnik oqaaseqartuunissat aammalu Meeqqerivitsialaap tunngaviinik ilisimasaqarnissat iluaqutaassaaq

Atorfininneq isumaqatigiissutillu 

Aningaasarsiat atorfeqarnermullu atugassaritititaasut.

Aningaasarsiaqartitaanermi suliffeqartitaanermilu atugassarititaasut Naalakkersuisut aamma N.P.K imaluunniit S.I.K akornanni isumaqatigiissutit malillugit atorfininnermi soraarnermilu angalasoqarsinnaallunilu pequtinik assartuisoqarsinnaavoq.

Atorfininneq pissaaq piaartumik imaluunniit isumaqatigiinnikkut.

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq sumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 29. december 2015-imi

Qinnuteqaat uunga nassiunneqassaaq 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik