Meeqqat atuarfianniit ingerlaqqinngitsoortunik sullissisussanik marlunnik sulisussarsiorpoq

Qeqqata kommuniani meeqqat atuarfianiit ingerlaqqinngitsoortunut sullissisussanik marlunnik siunnersortissarsiorpoq.
Qinnuteqarfissaq kingulleq:
27. januar 2016
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. februar 2016
Akissarsiat:
Massakkut isumaqatigiissutiginiarneqarpoq

Meeqqat atuarfianniit ingerlaqqinngitsoortunik sullissisussanik marlunnik sulisussarsiorpoq 

Atuarfimmik ineriartortitsineq:

Suliassap siunertaraa, atuarfiup angerlarsimaffiullu suleqatigiinnerit pitsanngorsarneqarneratigut kiisalu meeqqat atuarfiini ikaarsaarnerit aallunneqarnera nukittorsarneqarnerisigut meeqqat atuarfiisa pitsanngorsarneqarnissaat. Taamaaliornikkut atuartut ilinniakkaminnik unitsitsiinnartarnerisa annikillisinnissaat kiisalu meeqqat atuarfianit amerlanerusut ilinniaqqinnissaat qulakkeersinnaanissaat, Qeqqata Kommunip neriuutigaa.

Atuarfinni pisortat, angajoqqaat, ilinniartitsisut, atuartut isumaginninnermilu siunnersortit kiisalu meeqqerivinni pisortat Piareersarfillu qanimut suleqatigineqassapput.

 

Naatsorsuutigaarput:

  • Siuttuulluni kajumissuseqarluartoq
  • Kandidatitut ilinniagaqarsimassasutit, inuiaqatigiilerinermut tunngasunik ilinniarsimasuuguit pitsaassaqaaq.
  • Atuarfinnit/ilinniarfinnit isumaginninnermut tunngasunik ilisimasaqarlutillu misilittagaqassasutit.
  • Meeqqat atuarfianiit ilinniagaqarnissamut ikaarsaarnissaq immikkut sammisinnaassagit.
  • Meeqqat atuarfia ilinniarfiillu/suliffeqarfiillu akornanni ikaarsaarnissamut qulakkeerinnissinnaassasutit.
  • Meeqqerivimmiit atualernissamut ikaarsaarnissaq siumut isiginnittumik pilersaarusiarsinnaassagit.
  • Qeqqata Kommuniani illoqarfinni nunaqarfinnillu atuarfinni sulinissamut soqutigisaqassasutit.
  • Meeqqat atuarfiata ilaqutariinnermullu immikkoortortap akornanni suleqatigiinneq sammissagit.
  • Anguniagalimmik sulisinnaassasutit, allannguinissamullu takorluuisinnaassuseqassasutit.
  • Ineriartortitsinissamut ammasuullutillu soqutigisaqassasutit, suleqatikkuminartuussasutillu.

Marluinnik oqaaseqartuuguit iluassaqaaq, tamannali piumasaqaataanngilaq.

 

Suliassat:

  • Atuarfimmi pisortanut, alloriarfinni aqutsisunut ilinniartitsisunullu atuarfiup angerlarsimaffiullu akornanni suleqatigiinneq pillugu siunnersuineq saqqummiinerlu, matumani atuarfiup angerlarsimaffiullu akornanni suleqatigiinnerup pitsanngorsarneqarnissaanut atortunik/immersugassanik, ilinniartitsisut sakkussaannik suliaqarneq

  • Atuarfimmi pisortanut, alloriarfinni aqutsisunut ilinniartitsisunullu meeqqerivimmit atuarfimmut kiisalu atuarfimmi ilinniarfimmut kiisalu alloriarnerit akornanni ikaarsaarnermi unammillernartut pillugit siunnersuineq saqqummiinerlu, matumani alloriarnerit akornanni ikaarsaarnermi ilikkarsimasanik annaasaqartarnerit aammalu atuartut meeqqat atuarfiannik naammassinnereernerup kingorna ilinniakkamik unitsitsisarnerup annikillisinneqarnissaannut atortunik/immersugassanik, ilinniartitsisut sakkussaannik suliaqarneq

  • Alloriarfinni misilitsinerit inernerisa misissorneri tunngavigalugit, immikkoortuni sorlerni nukittorsaasoqarnissaannik suliniuteqarfiginissaannillu siunnersuusiortoqartassaaq.

  • Nunaqarfinni atuartut illoqarfiup atuarfiinut ingerlaqqinnissaannut pitsaasumik ikaarsaarnissamik pilersitsineq, tamatumani atuartut angerlarsimaffiini peqataatitsineq ilanngullugu.

  • Ilinniartitsisut, atuartut angajoqqaallu peqatigalugit angajoqqaanik ataatsimiisitsinernut peqataaneq, ataatsimiinnerni atuartut atuarnerinut sunniuteqartunik oqallisissianik saqqummiineq, matumani perorsaariaaseq killiliinerillu ilanngullugit.

  • Ilinniartitsisut angajoqqaallu isumaqatigiissinnaanngitsunut ataasiakkaaraluni oqaloqatigiinnernut peqataaneq.

  • Meeqqat atuarfii ilinniarfiillu/inuussutissarsiorfiillu akornanni ikaarsaarnerup qulakkeerneqarnissaa, tassani atuartoq ilinniaqqinnissamut atatillugu piumasaqarsinnaanera ilimasuuteqarsinnaaneralu qulakkeerneqarnissaa anguniagaavoq.

  • Pitsaanerpaamik atuarfimmi aallartissinnaaneq qulakkeerniarlugu, meeqqeriviit atuartullu nukarliit akornanni ataqatigiissaarineq

  • Meeqqat atuarfiisa kiisalu Ilaqutariinnermut immikkoortortap akornanni suleqatigiinnermik qulakkeerineq, tassani ilaqutariit pisariaqartitsisunik sapinngisamik pitsaanerpaamik ikorfartuinissaq anguniagaavoq.

  • Ineriartortitsinissami suliniuteqarneq, angajoqqaanullu soqutiginnittunut pikkorissaanissamik neqerooruteqarneq, taamaalillutik meeqqatik pitsaanerpaamik siunissaqartinniarlugit tapersersuisinnaallutik (Illoqarfinni Ilaqutariinnut Kiffartuussivinnik suleqateqarneq).
  • Ikaarsaarnerit, angajoqqaanik suleqateqarneq kiisalu ilinniakkamik unitsitsisarneq pillugit kisitsisaatinik katersineq.

  • Ukiup affaanoortunik nalilersuinermut nalunaarusiorneq, nalunaarusiat pillugit Ilinniartitaanermut immikkoortortamut kiisalu ataatsimiititalianut/Kommunalbestyrelsimut saqqummiineq.

  • Ilinniartitsisunik angajoqqaanillu siunnersuineq kiisalu atuartut atuagarsornikkut sanngiitsut nukittuulluunniit pillugit siunnersuusiorneq.

Akissarsiat atorfeqarnermilu atugassarititaasut 

Akissarsiassat atorfinitsitaanermilu atugassarititaasut

Atorfik isumaqatigiissutiginiarneqarpoq, naatsorsuutigineqarpoq skolekonsulentitut allatulli inissinneqarumaartoq.

Akissarsiat atorfeqartitaanermilu atugassarititaasut taakkununnga ilanngullugit akiliunneqarluni angalanermut pequtillu assartorneqarnissaanut pisinnaatitaaffiit, Naalakkersuisut kattuffigisallu isumaqatigiinniarsinnasup akornanni isumaqatigiissutit atuuttut naapertorlugit pissapput.


Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammi

piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat

pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu

atorfinitsitsisoqassaaq.

Akissarsiassat atorfinitsitaanermilu atugassarititaasut, matumani akiliunneqarluni pequtillu angallannissaannut pisinnaatitaaffiit isumaqatiginniutigineqarput.

Inissaqartitsisoqarsinnaavoq, tassungalu malittarisassat atuuttut naapertorlugit akiliuteqartoqartassalluni.

2016-imi februar aallaqqaataani atorfinittoqassaaq imaluunniit isumaqatigiinnikkut.

Minngortuunnguup Atuarfiani atorfik pillugu paasissutissat annertunerusut atuarfimmi pisortaq Nivi H. Efraimsen oqa. +299) 864188-imut imaluunniit e-mail:: nihe@qeqqata.gl–ikkut attavigineratigut pissarsiarineqarsinnaapput.

Nalunnguarfiup Atuarfiani atorfik pillugu paasissutissat annertunerusut atuarfimmi pisortaq Riikki Grønvold oqa. +299) 86 43 88-imut imaluunniit e-mail: rigr@qeqqata.gl–ikkut attavigineratigut pissarsiarineqarsinnaapput.

Qinnuteqaat soraarummeersimanermik uppernarsaatinik, imminermut paasissutissanik, oqaaseqaatinik, meeqqanullu pinerluuteqarsimannginnermik uppernarsaatinik ilaqartinneqartoq kingusinnerpaamik 2016-imi januarip 27-an

Qinnuteqaat uunga nassiunneqassaaq 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik