Nunaminertat pillugit sullissisoq

Pilersaarusiornermi immikkoortortami nunaminertat pillugit sullissisumik Qeqqata Kommunia pissarsiorpoq, tassani pingasuulluta suleqatigiippugut, ilaatigut sullissinikkut innuttaasunillu ilitsersuussinikkut, Sisimiunut nunaqarfiinullu takorluukkat ineriartortitsinermullu pilersaarutit piviusunngortitsinissaat anguniagaalluni. Pilersaarusiornermut immikkoortortaq Sisimiuni Teknikkimut Avatangiisinullu immikkoortortaqarfiup ataani 13-inik sulisoqartumi sanaartornermut, ingerlatsinermut, pilersaarusiornermut allatseqarfimmillu agguataaqqasumut ilaavoq.
Qinnuteqarfissaq kingulleq:
15. april 2016
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. maj 2016
Akissarsiat:
Isumaqatigiissutit malillugit

Nunaminertat pillugit sullissisoq 

Qeqqata Kommunia kommuniuvoq ineriartortoq, atuilluartuunermik nutaamillu eqqarsarnermik ukkataqartuusoq. Nunaminertat pillugit suliaqartarnermi, ilaatigut kommunit siulliit ilagalugit qarasaasiatigut nunaminertat pillugit suliaqartalerpugut, massakkullu aamma kommunip pilersaarusiorfigineqarnera qarasaasiatigut ingerlernikuullutigut. Atorfik Sisimiuni inissisimavoq, taanna Kalaallit Nunaata kitaani qaasuitsup killeqarfiata avannaatungaani inissisimavoq. Inunnut pinngortitamik nuannarisalinnut pisulluni angalasunut, qimussersunut, qamuteralattunut imaatigullu angalasunut kusanartumik pinngortitalimmik nunap timaanik annertoorsuarmik peqarpugut.

 

Akisussaaffiit suliassallu

  • Teknikkimut Avatangiisinullu ataatsimiititaliamut suliassanik saqqummiineq

  • Innuttaasut saaffiginnissutaannik tigusaqarneq, nunaminertanillu qinnuteqarnissamut ilitsersuussineq

  • Sulisut allat qanittumik suleqatigalugit nunaminertanik aqutsinermik suliaqarneq ataqatigiissaarinerlu

  • Pisunik unioqqutitsisunik nakkutilliineq malinnaanerlu

  • Toqqorsivitsinnik tigussaasumik qarasaasiatigullu ilusilersuineq ineriartortitsinerlu

  • Immikkoortortanik allanik akimortumik suleqateqarneq

 

Piginnaasat

  • Bygningsingeniøritut, illussanik titartaasartutut assigisaannilluunniit ilinniagaqartuusutit

  • Suliannut inunnullu nalilersuisinnaasutit, ataatsimullu isiginnnillutit pullaveqarsinnaasutit

  • Allattariarsornikkut oqaasiinnartigullu pitsaasumik oqaasertalersuisinnaasutit

  • IT-mut, ajornanngippallu AutoCad-imut, NunaGis-imut aammalu QGis-imut ilisimasaqartutit

  • Piginnaasavit ineriartortittuarnissaanut sammisaqartutit

  • Marluinnik oqaaseqarlutit kalaallisut qallunaatullu oqaaseqartuusutit, piumasaqaataanngilarli

  • Tulleriaaqqillaqqissuusutit aaqqissuussillaqqissuusutillu

 

Suliffitsinni tullinnguuttut pingaartippagut, kajumissuseq, akisussaaqataaneq, ataatsimoorneq, piginnaasanik ineriartortitsineq oqaloqatigiinnerlu Illup iluani avataanilu suleqatigiinnissamut naatsorsuutigisatsinnut pingaartitagut pngaaruteqarput.

 

Suliassat qulaani taaneqartut saniatigut, ingerlatsiviup tamarmiusup iluani pilersaarutitut suliassanik ingerlaavartunik suliassaqartassaatit, tassani suleqatinik sunniuteqarluarsinnaanerlu suleqateqarsinnaanermut piginnaaneqarnissaq pingaartillutigu.

Akissarsiat atorfeqarnermilu atugassarititaasut 

Akissarsiat atorfinitsitaanermilu atugassarititaasut

Akissarsianut atorfinitsitaanermilu atugassarititaasut, taakkununnga ilanngullugu pequtinik assartuineq, Naalakkersuisut pineqartullu sulinermut atatillugu kattuffiani isumaqatigiissutit atuuttut malillugit iluarsisaapput.

 

Inissaqartitsisoqarsinnaavoq, malittarisassat atuuttut naapertorlugit akilersorneqartussamik.  

 

Piaartumik, isumaqatigiissuteqarnikkulluunniit atorfinitsitsisoqassaaq.

 

Atorfik pillugu sukumiinerusumik paasissutissanik pissarserusukkuit, Pilersaarusiornermi immikkoortortami pisortaagallartumut Maren Petersen-imut oqarasuaat (+299) 867479, e-mail: marf@qeqqata.gl-imut imaluunniit 

Teknikkimut Avatangiisinullu pisortaq Hans Ulrik Skifte oqarasuaat (+299) 867450, e-mail: haus@qeqqata.gl saaffiginninnikkut pissarsiarisinnaavatit.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2016-imi aprilip 15-ani tigoreersimassavarput

Qinnuteqaat uunga nassiunneqassaaq 

Qinnuteqaat uunga nassiunneqassaaq:

Qeqqata Kommunia

Sulisoqarnermut allaffik

Postboks 1014

3911  Sisimiut

E-mail: job@qeqqata.gl

Web: www.qeqqata.gl/job

Attavissaq

Maren Petersen

(+299) 86 74 79

marf@qeqqata.gl