Overassistent Utoqqarnut immikkoortortamut

Sisimiuni Ilaqutariinnermut immikkoortortap ataani utoqqarnut immikkoortortaq overassistent-issarsiorpoq.
Qinnuteqarfissaq kingulleq:
29. april 2016
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. maj 2016
Akissarsiat:
Isumaqatigiissutit sukkulluunniit atuuttut malillugit

Atorfininneq isumaqatigiissutillu 

Qeqqata Kommuniata utoqqarnut sullissiviani Sisimiuni overassistentitut atorfik inuttassarsiorneqarpoq.

 

Utoqqarnut sullissivik atorfinnut pingasunut aalajangigaavoq: immikkoortortami pisortaq overassistentillu marluk.

 

Suliassat akisussaaffiillu

  • Innuttaasunut sullissineq, tulliuttut ilanngullugit
  • Saaffiginnittunik sullissineq kiffartuussinerlu
  • Allakkatigut saaffiginnissutit ullut 14-t qaangiutsinnagit akineqartarnissaat
  • Saaffiginnittunut nunaqarfinnilu sullissisunut utoqqalinersiat pillugit apeqqutinik siunnersuineq
  • Angerlarsimaffinnut pulaarneq

 

Allaffissorneq, matumani tulliuttut ilanngullugit

  • Isumaginninnermi ataatsimiititaliamut inassuteqartarneq
  • Sulianut nutaanut takussutissanik pilersitsineq allattuinerlu
  • Akissarsialerivimmut ingerlatitseqqiisarnerit
  • Utoqqalinersianik ikiorsiissutillu tapinik naatsorsuinerit
  • Paasissutissanik pissarsiniarneq (nakorsamit allagarsiinerit, inuit allattorsimaffiat, inummut paasissutissat allat, suliffissaqartitsiniarneq il. il.
  • Allakkiorneq
  • Akiitsunik misissuineq
  • Sulianik ingerlareersunik malinnaaneq
  • Qinnuteqaatinik suliaqarneq

 

Pisinnaasaqarfissat

  • Allaffissornerup tungaatigut ilinniagaqartuussasutit
  • Pisortani allaffissornermi misilittagaqartutit
  • Qarasaasiatigut pitsaasumik, sukumiisumik atuisinnaanikkullu ilisimaarisaqartuussasutit
  • Suliatigut peqqissaartuusutit suleqatikkuminartuullutillu
  • Kiffartuussinermik suliaqarluarsinnaasutit.
  • Marluinnik oqaaseqartuussasutit, tassa kalaallisut qallunaatullu.
  • Ulapaarfinni eqqissisimasumik suleriaaseqarsinnaassasutit

Akissarsiat- atorfininnermilu atugassarittitaasut 

Akissarsiat sulinermilu atugassarititaasut

Aningaasarsiaqartitaanermi suliffeqartitaanermilu atugassarititaasut Namminersorlutik Oqartussat S.I.K. kattuffiata akornanni isumaqatigiissutit malillugit aaqqinneqassapput.

 

Pineqaatissinneqarsimannginnermut uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Atorfimmut atatillugu inissaqartitsisoqanngilaq.

 

Atorfinitsitsineq pissaaq piaartumik imaluunniit isumaqatigiinnikkut.

 

Atorfimmut atatillugu paasissutissat annertunerusut immikkoortortami pisortamut Frederik Jensen, oqarasuaat (+299) 86 7435 e-mail-kulluunniit: frje@qeqqata.gl saaffiginninnikkut pissarsiarineqarsinnaapput.

 

Qinnuteqaat ilinniagaqarsimanermut allagartap assilineranik, inuttut paasissutissat, oqaaseqaatit attaveqarfiusinnaasullu ilanngullugit kingusinnerpaamik 29. april 2016-mi  nassiunneqassapput uunga:

Qinnuteqaat uunga nassiunneqassaaq 

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Web: www.qeqqata.gl