Isumaginninnermi siunnersortit pisortaannik meeqqanut inuusuttunullu

Maniitsumi Ilaqutariinnermut immikkoortortaq isumaginninnermi siunnersortit pisortaannik meeqqanut inuusuttunullu immikkoortortaqarfimmut pissarsiorpoq 1. juni 2016 aallarnerfigalugu atorfinittussamik.
Qinnuteqarfissaq kingulleq:
13. maj 2016
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. juni 2016
Akissarsiat:
Isumaqatigiissutit malillugit

Atorfininneq isumaqatigiissutillu  

Ilaqutariinnermut immikkoortortaq 18-nik sulisoqarpoq, imatullu agguataagaasunik: Meeqqanut Inuusuttunullu immikkoortortaq, Ikiorsiisarnermi immikkoortortaq,  Allatseqarfik, Utoqqarnut immikkoortortaq kiisalu Innarluutilinnut immikkoortortaq

Meeqqanut Inuusuttunullu immikkoortortami aqutsisutut isumaginninnermut siunnersorti aqutsisutut piginnaatitaavoq. Ilaqutariinnermut immikkoortortami sulisunik suleqateqassaatit. immikkoortortami aqutsisutut isumaginninnermi siunnersorti pisortaqatigiinnut ilaassaaq, taakkulu ataatsimiittarnerini peqataasassalluni. Ilaqutariinnermut immikkoortortami Ilaqutariinnut pisortaq qaninnertut qullersarissavat.

 

Akisussaaffiit suliassaqarfiillu:

  • Meeqqat Inuusuttullu immikkoortortaani aqutsineq, matumani suliassanik sullissisunut agguaaneq.
  • Illoqarfiit nunaqarfiillu akornanni suliassanik aqutsineq ataqatigiissaarineq.
  • Ilaqutariinnermut immikkoortortami Maleruagassat naapertorlugit aqutsisutut nakkutilliineq.
  • Immikkoortortami sulisunik aqutsineq kiisalu immikkoortortami ineriartuutaasumik oqaloqatigiinneq, immikkoortortamilu suliatigut piginnaasanik ineriartortitsinissamut akisussaaneq.
  • Ilaqutariinnermut ataatsimiititaliamut saqqummiussassat pitsaassusaanik qulakkeerineq.
  • Oqartussaasoqarfiit assigiinngitsunik suliallit isumaginninnermi suliassat pillugit suleqatigiiffiani siulittaasoq.
  • Siusissukkut iliuuseqarnermi ernisussiortoq peqatigalugu aqutsisoqatigiinni ilaasortaaneq.
  • Suliat akimorlugit ataatsimiinnerni peqataaneq.
  • Pigaartussanut pilersaarutip aqunneqarneranut akisussaasoq
  • Ineriartuutaasumik suliniutinut peqataaneq.

 

Piginnaasassat:

  • Isumaginninnermut siunnersortitut ilinniagaqarneq.
  • Isumaginnittoqarfimmi meeqqanut inuusuttunullu immikkoortortami ataqatigiissaarinermik aqutsinermilluunniit misilittagaqarneq.
  • Meeqqat, inuusuttut ilaqutariinnermullu immikkoortuni allaffissornermi inatsisinik misilittagaqarneq.
  • Tarnikkut qajannaatsuussaatit, tulleriiaalluakkamik sulisinnaassaatit misissuilluarsinnaallutillu.
  • Isumaqatigiinninniallaqqissuussaatit (pingaartumik aaqqiagiinnginnermik ingerlatsinermi isornartorsiuinermilu).
  • Tatiginartuussaatit, misiginneqataasinnaassaatit maligassiuisuusinnaallutillu (ileqqorissaarnissamut piumasaqaat naapertorlugu).
  • Attaveqaqatigiuminartuussaatit, sunniuteqarluartuullutit kiisalu sulianut pitsaasumik ingerlatserusuttoq.
  • Ilisimasannik ingerlatitseqqissinnaassaatit.
  • Allannguinernut piareersimasuussaatit, tamat isiginnissinnaasoq nikerarsinnaasorlu.

Akissarsiat atorfininnermilu atugassarititaasut 

Akissarsiat atorfinitsitaanermilu atugassarititaasut atorfininnerup nalaani Naalakkersuisut kattuffiullu isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.

Pinerlussimannginnermut /pinerluuteqarsimanermut kiisalu meeqqanik pinerliisimannginnermut uppernarsaatit naammaginartuuneri naapertorlugit atorfinitsitsisoqassaaq.  Atorfinitsinneqartussap atsiornikkut akuersissuteqarneratigut, uppernarsaatinik atorfinitsitsinissamut oqartussaasut piniassapput, taakkulu Rigspolitimut piniarneqassallutik.

Atorfimmut atatillugu inissaqartitsisoqarsinnaavoq, ineqarnermut akiliutit qularnaveeqqusiiinerillu il.il. pillugit malittarisassat sukkulluunniit atuutsinneqartut naapertorlugit pissaaq.Atorfimmut atatillugu inissamik innersuussisoqassaaq, malittarisassat atuuttut naapertorlugit qularnaveeqqut/attartornermut akiligassat akilerneqassallutik. Atorfinitsitaanermi angalaneq pequtillu nassiunneri akilerneqassapput.

Piaartumik isumaqatigiissuteqarnikkulluunniit atorfinitsitsisoqassaaq.

Pinerlussimannginnermut/pinerluuteqarsimanermut uppernarsaat naammaginartuunera tunngavigalugu atorfinitsitsisoqassaaq. Atorfik pillugu paasissutissat sukumiinerusut Ilaqutariinnermut immikkoortortami Ilaqutariinnermut pisortaq Bertha Dalager, oqarasuaat (+299) 817 853 email: beda@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut siusinnerusukkullu suliffigisimasanik paasissutissanik, ilinniarsimanermut uppernarsaatinik, attaveqarfissanik oqaaseqaatinillu ilalerlugu

kingusinnerpaamik 13. maj 2016-imi Qeqqata Kommuniani Sulisoqarnermut immikkoortortap tigoreersimassavaa

Qinnnuteqaat uunga nassiunneqassaaq 

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Web: www.qeqqata.gl/atorfik