Ikiortimik Neriusaaq Maniitsumi

Qeqqata Kommunia Maniitsoq innarluutilinnut utoqqarnullu, atortutigut ikiorsiissutinut (Hjælpemidler) suliaqarnermi ikiortissamik pissarsiorpoq
Qinnuteqarfissaq kingulleq:
13. juni 2016
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. juli 2016
Akissarsiat:
Isumaqatigiissutit malillugit

Ikiortimik Neriusaaq Maniitsumi 

Maniitsumi innuttaasuniit innarluutilittut nalunaarsorsimasut katillutik 112-upput. Taakkua ilaat, aammalu utoqqaat namminneq angerlarsimaffillit, kiisalu Neriusaami najugaqartut,  iluaqusersuutinik soorlu qamutinik ajaappissanik assigisaanillu atugaqartuupput. Pisariaqartarlunilu aserfallannerini amigaateqarneriniluunniit iluarsaanneqarnissaat.  

 

Akisussaaffiit suliassaqarfiillu

  •  Iluaqusersuutinik akisussaasumik qanimut  suleqateqarneq

     

  • Iluaqusersuutinik aserfallassimasunik takkuttoqartillugu iluarsaaneq

     

  • Iluaqusersuutinik iluarsaanermi amigaateqannginnissamik qulakkeerinneqataaneq        

     

  • Iluaqusersuutinik tigoriaannaqarnissaanut qulakkeerinninneq

     

  • Iluaqusersuutinut pequusiviup torersuunissaanut akissussaaqataaneq

     

  • Iluaqusersuutit atorneqarpata utertinneqarpatalu nalunaarsuineq 

     

    Naatsorsuutigaarput

     

Qiimasuusutit suleqatikkuminartuullutit, aammalu utoqqarnik innarluutilinnillu saaffigineqarninni naapitakkuminartuusutit. Ikiorsiissutinik suliaqarnermik nuannarisaqartuusutit.


Akissarsiat atorfinitsitaanermilu atugassarititaasut 

Akissarsiat atorfinitsitaanermilu atugassarititaasut Namminersorlutik Oqartussat aamma S.I.K isumaqatigiissutaat naapertorlugit aaqqinneqassapput.

 

Pinerliisimannginnermut uppernarsaat:

Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Atorfimmut atatillugu inissaqartitsisoqanngilaq.

 

Piaartumik isumaqatigiissuteqarnikkulluunniit atorfinitsitsisoqassaaq.

 

Pinerlussimannginnermut/pinerluuteqarsimanermut uppernarsaat naammaginartuunera tunngavigalugu atorfinitsitsisoqassaaq.

Atorfik pillugu paasissutissat sukumiinerusut Neriusaami pisortaasumut Arnannguaq H. Christensen, oqarasuaat (+299) 81 7011 email: ahch@qeqqata.gl  atorlugit saaffiginninnikkut pissarsiarineqarsinnaapput.

 

Qinnuteqaat siusinnerusukkullu suliffigisimasanik paasissutissanik, oqaaseqaatinillu ilalerlugu kingusinnerpaamik 13. juni  2016-imi Qeqqata Kommunia Sulisoqarnermut immikkoortortap tigoreersimassavaa

Qinnuteqaatit uunga nassiutissapput 

Qeqqata Kommunia
HR Afdeling
Postboks 101
E-mail: job@qeqqata.gl
Web: www.qeqqata.gl

Attavissaq

Arnannguaq H. Christensen

(+299) 81 70 11

ahch@qeqqata.gl