Inersimasunut innarluutilinnut sullissisoq

Qeqqata Kommunia, Maniitsumi ilaqutariinermut immikkoortortaq 2016- 1.juli allarnerfingalugu inersimasunut innarluutilinnut sullissisussamik pissarsiorpoq.
Qinnuteqarfissaq kingulleq:
21. juni 2016
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. juli 2016
Akissarsiat:
Isumaqatigiissutit malillugit

Inersimasunut innarluutilinnut sullissisoq 

Maniitsumi Innarluutilinnut Immikkoortortaqarfimmi aqutsisutut atorfik ataaseq, sullissisutut atorfiit marluk, tapersersortinullu ataqatigiissaarisutut atorfik ataaseq atorfiupput. Innarluutilinnut peqqussut naapertorlugu ikiorserneqartut 111-upput.

Sullisissavatit inersimasut innarluutillit, Maniitsumi nunaqarfinnilu pingasuni innuttaasut.

 

Akisussaaffigissavatit:

 

Ukiup affakkaartumik Iliuusissatut pilersaarusiorneq, ikiorsiissutinillu qinnuteqartitsineq.

Ataatsimiititaliamut qinnuteqartitsineq.

Akimorlugu suleqatigiinnut ataatsimeeqataaneq.

Sullitat aningaasaqarnerannik aqutsineq.

Oqaloqateqarneq/ siunnersuineq / ilitsersuinerlu

Angerlarsimaffimmut pulaarneq.

Nunaqarfinniittunut tikillugit sullissineq.

Ulloq unnuarlu inissiivinnut qinnuteqaassussinerit, inissiartornerillu.

Socialvagt-itut sulineq.

 

Qinnuteqartumut piumasaqaatit:

 

• Isumaginninnermi siunnersortitut, imaluunniit isumaginninnermi ikiortitut ilinniarsimassasutit.

• Ataatsimoortitsisinnaassuseqassasutit, innarluutilinnillu sullissinermik misilittagaqassasutit.

• Suleqatinik suleqateqarluarsinnaallutit sullisserusussuseqassasutit.

• Aalajaatsumik sulisinnaasutit, torersumillu sulillutit tamat isiginnissuseqarsinnaassasutit.

• Allaffissornermik misilittagaqassasutit

 

Qinnuteqartoq inuttut:

 

• Aaqqiagiinngissutaasinnaasunik iluarsiisinnaassuseqassaaq

• Tatiginartuussaaq, tatiginassusermillu avatangiisiminut takutitsisinnaassalluni

Atorfinitsitsineq isumaqatigiissutillu  

Naalakkersuisut isumaqatigiissusiorsinnaatitaallunilu peqatigiiffiup akornanni isumaqatigiissutit qaqugukkulluunniit atuuttut naapertorlugit akissarsiat atorfinitsitaanermilu atugassarititaasut inissinneqassapput

Inissamik innersuussisoqarsinnaanngilaq.

 

Piaartumik isumaqatigiissuteqarnikkulluunniit atorfinitsitsisoqassaaq.

 

Pinerliisimannginnermut uppernarsaat:

Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Atorfik pillugu paasissutissat sukumiinerusut Innarluutilinnut Immikkoortortaqarfimmi aqutsisumut Mettea R. Jeremiassen-imut oqarasuaat +299 81 7860-imut, e-mail mrje@qeqqata.gl-imut saaffiginnissuteqarnikkut pissarsiarineqarsinnaapput.

Qinnuteqaat soraarummeersimanermut uppernarsaatinik, imminut ilisaritinnermik, oqaaseqaatinik attaveqaatissanillu ilaqartoq 2016-mi  juni 21-ni tigoreersimassavarput.

Qinnuteqaat uunga nassiunneqassaaq 

Qeqqata Kommunia
HR Afdeling
Postboks 101
E-mail: job@qeqqata.gl
Web: www.qeqqata.gl

Attavissaq

Mettea R. Jeremiassen

(+299) 81 78 60

mrje@qeqqata.gl