Allagarsiuteqqitaq: Tagiartuisartumik Sisimiuni Utoqqaat Angerlarsimaffiannut 'QUPANUK'-mmut

Ilaqutariinnermut immikkoortortap ataani Sisimiuni Utoqqaat Angerlarsimaffiannut tagiartuisartumik pissarsiorpoq.
Qinnuteqarfissaq kingulleq:
19. juli 2016
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. august 2016
Akissarsiat:
Isumaqatigiissutit malillugit

Atorfininneq isumaqatigiissutillu 

Akisussaaffiit suliassallu

  • Utoqqaat Angerlarsimaffianni najugaqartunut innarluutilinnullu siunnersuineq sungiusaanerlu.

  • Atortorissaarutinik ikiuutinik nalilersuineq aammalu naleqqussaaneq.

  • Oqartussaasoqarfiit assigiinngitsunik suliallit suleqatigalugit napparsimavik kommunimilu utoqqarnut immikkoortortaqarfik

  • Utoqqaat angerlarsimaffiani sulisunut ilinniartitsineq

  • Handleplanit suliarinerani inulerisunut suleqataaneq

Pisinnaasat

  • Tagiartuisartutut ilinniagaqarsimasuuvutit.

  • Utoqqarni innarluutilinnilu sullissinermik misilittagaqarputit

  • Akisussaassuseqartuuvutit, nammineersinnaallutit aammalu suliannik pimoorussisuullutit.

  • Minnerunngitsumillu utoqqarnut sullissinissat nuannaralugulu tunniussimaffigissavat.

Kalaallisut oqalussinnaaneq pitsaaqutaassaaq

Akissarsiat isumaqatigiissutillu 

Aningaasarsiat atorfininnermilu atugassarititaasut

Akissarsiat atorfininnermilu atugassarititaasut, matumani akiliunneqarluni angalasinnaatitaanerit pequtillu angallanneri ilanngullugit, Kalaallit Nunaanni Naalakkersuisut sulinermilu peqatigiiffiup isumaqatigiissuteqarsinnaatitaasup isumaqatigiissutaat atuuttoq naapertorlugu iluarsineqassapput.

Pinerluuteqarsimannginnermut uppernarsaat

Atorfiit pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni pineqaatissinneqarsimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit pineqaatissinneqarsimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Pineqaatissinneqarsimannginnermut uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

Inissaqartitsisoqarsinnaavoq, malittarisassallu atuuttut malillugit ineqarnermut qaammammut akiliisoqartassalluni il. il.

Atorfinitsitsineq pissaaq 1. august 2016 imaluunniit isumaqatigiissuteqarnikkut.

Atorfik pillugu paasissutissat sukumiinerusut Utoqqaat Angerlarsimaffianni pisortamut Paneeraq G. Samuelsen-imut oqarasuaat (+299) 86 73 50, e-mail: pags@qeqqata.gl imaluunniit tullersortimut Jonna Mathiassen jonm@qeqqata.gl tlf (+299) 86 73 51 .

Qinnuteqaat soraarummeersimanermut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 19. juli 2016-mi. Qinnuteqaat uunga nassiunneqassaaq:

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq

Paneeraq Grønvold Samuelsen

(+299) 86 73 50

pags@qeqqata.gl