Sisimiuni nunaminertanik ataqatigiissaarisussarsiorpoq

Sisimiuni Teknikkimut Avatangiisinullu immikkoortortaqarfimmut nunaminertanik ataqatigiissaarisussarsiorpoq.
Qinnuteqarfissaq kingulleq:
12. august 2016
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. september 2016
Akissarsiat:
Isumaqatigiissutit malillugit

Nunaminertanik ataqatigiissaarisup suliassarai: 

Pilersaarusiornermut, nunaminertanillu aqutsinermut immikkoortortami pisortaq, nunaminertanik aqutsisup ulluinnarni qaninnertut pisortaraa, tulliuttullu suliassaralugit:

  • Sulisut allat qanimut suleqatigalugit nunaminertanik aqutsinermik suliaqarneq ataqatigiissaarinerlu

  • Nunaminertanik nakkutilliineq

  • Innuttaasunik inuutissarsiuteqartunillu saaffiginnittunik sullissineq kiisalu nunaminertamik atugassinneqarnissamik qinnuteqaatinut il.il. tunngatillugu ilitsersuineq.

  • Tigussaasumik qarasaasiatigullu toqqorsivitsinnik ilusilersuineq ineriartortitsinerlu

  • Teknikkimut Avatangiisinullu ataatsimiititaliamut, ataatsimiititalianut ataavartunut allanut, kommunalbestyrelsimullu sulianik saqqummiussineq

  • Immikkoortortanik allanik akimortumik suleqateqarneq

  • Pisariaqartitsineq naapertorlugu sanaartornermut tunngatillugu sulianik suliaqarneq

Piginnaasassat:

Suliassagut sapinngisamik innuttaasunut sullitatsinnullu pitsaanerpaamik kinguneqartikkumallugit, suliatsinnut assigiinngiiaartunut ataqatigiissaarnerilu eqqarsaatigalugit suleqammik tulluarnerpaamik piginnaasaqarnerpaamillu pissarserusuppugut.   Piffissaq suliallu pitsaassusissaannut tunngatillugu sulisunut piumasaqaateqartarpugut. Taamaattumik sulinermi pitsaasumik avatangiisinik paarinniinnarnissaq angusaqarnissarlu ukkatarisorujussuuvagut, qinnuteqartumullu tullinnguuttunik piumasaqaateqarluta:

  • Kajumissuseqartutit, akisussaassuseqartutit, inuit ataasiakkaat assiginngissusaannut ataqqinnissuseqarlutit suleqatigiinni suleqataanissannut nuannarisaqartutit, suliassallu unammillernartut suleqatillu assigiinngitsunik tunuliaqutaqarlutik ilinniagaqartut misilittagaqartullu peqatigalugit sulininnut inuttullu ineriartornissamut soqutiginnissuseqartutit.

  • Aaqqissuussillaqqissuullutillu ataqatigiissaarillaqqissuusutit, ulapaarfinnilu tamat isiginnissinnaassuseqarlutit.

  • Oqaatsitigut allattariarsornikkullu kalaallisut, danskisut, ajornanngippallu tuluit oqaasiinik oqaaseqartuusutit. Piukkunnartumik qinnuteqartoqartillugu, atorfimmut uunga oqaatsitigut piumasaqaaterput nalilersorsinnaavarput.

  • Allattariarsornikkut oqaatsitigullu paasiuminarsaallaqqissuusutit.

  • Bygningsingeniøritut, illussanik titartaasartutut assigisaannilluunniit ilinniagaqartuusutit

  • IT-mut, ajornanngippallu AutoCad-imut, NunaGis-imut aammalu QGis-imut ilisimasaqartutit

     

Teknikkimut Avatangiisinullu Immikkoortortaqarfik pillugu

Teknikkimut Avatangiisinullu immikkoortortaqarfik Teknikkimut Avatangiisinullu ataatsimiititaliamut allattoqarfiuvoq.  Teknikkimut Avatangiisinullu immikkoortortaqarfik ingerlatsinermut, sanaartornermut, nunaminertanik aqutsinermut immikkoortortaqarpoq allatseqarfeqarlunilu.

Allatut oqaatigalugu, TAI ilaatigut politikkikkut oqaluuserisassanik innersuussutinik malitseqartitsinernillu, kommunip sanaartugaanik/illuutaanik sanaartornernik aserfallatsaaliinernillu, nunaminertanik tamanik atugassianik ingerlatsinermik suliaqarpoq, soorluttaaq aqqusinernut eqqagasalerinermullu, kalaamineerniarfimmillu ingerlatsinermik ingerlatsisuusoq.

Akissarsiaqartitaanermut atorfinitsitaanermilu atugasarititaasut 

Akissarsianut atorfinitsitaanermilu atugassarititaasut, matumani pequtinik assartuineq ilanngullugu, Naalakkersuisut pineqartullu isumaqatiginninniarsinnaatitaalluni kattuffiata akornanni isumaqatigiissutit atuuttut malillugit inissinneqassapput.

Inissaqartitsisoqarsinnaavoq, malittarisassallu atuuttut naapertorlugit akilersorneqassalluni.

Aggustip aallaqqaataani, taassumaluunniit kingorna piaartumik atorfinitsitsisoqassaaq.

Atorfik pillugu sukumiinerusumik paasissutissat, tulliuttunut saaffiginnissuteqarnikkut pissarsiarineqarsinnaapput:

Pilersaarusiornermi Immikkoortortaqarfimmi pisortaagallartoq Maren Petersen (+299) 867479, e-mail: marf@qeqqata.gl

Teknikkimut Avatangiisinullu pisortaq Hans Ulrik Skifte oqarasuaat (+299) 867450, e-mail: haus@qeqqata.gl saaffiginninnikkut pissarsiarisinnaavatit.

Pinerliisimannginnermut uppernarsaat:

Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Qinnuteqaateqarnissamut piffissaliussaq

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik, attaveqarfissanillu ilalik kingusinnerpaamik 12. august 2016-mi

Qinnuteqaat uunga nassiunneqassaaq 

Qeqqata Kommunia
HR Afdeling
Postboks 101
E-mail: job@qeqqata.gl
Web: www.qeqqata.gl

Attavissaq

Maren Petersen

(+299) 867479

marf@qeqqata.gl