Allagarsiuteqqitaq: Sisimiuni Akissarfialeriffik Kontorfuldmægtigissarsiorpoq

Atorfik Sisimiuni akissarsialeriffimmiittoq, 2016-imi september aallaqqaataani, isumaqatigiissuteqarnikkulluunniit atorfiniffiussalluni inuttassarsiuunneqarpoq.
Qinnuteqarfissaq kingulleq:
23. august 2016
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. september 2016
Akissarsiat:
Isumaqatigiissutit malillugit

Sisimiuni Akissarfialeriffik Kontorfuldmægtigissarsiorpoq 

Qeqqata Kommuniani akissarsialeriffik arfinilinnik sulisoqarpoq; sisamat Sisimiuni, marlullu Maniitsumi.

Pingaarnertut suliassatit:

Akissarsiat il.il. pillugit nalunaarusiorneq nakkutilliinerlu

Akissarsialerineq

Akissarsianut kontop naligiissaarnissaa

Akiligassaqarfinnut naligiissaarineq

Suliassat agguataarneqarnerat naapertorlugu suliassat allat

Naatsorsuutigaarput

Allaffimmiutut ilinniagaqarsimassasutit

Assigiinngitsunik ataatsikkut suliaqarsinnaassasutit

Kiffartuusserusussuseqassasutit, suleqatikkuminartuusutillu

Qarasaasiamik nalinginnaasumik atuisinnaassasutit

marluinnik oqaaseqartuussasutit, kalaallisut qallunaatullu

Akissarsiat atorfinitsitaanermilu atugassarititaasut  

Atorfininnerup nalaani Naalakkersuisut aamma SIK-p akornanni isumaqatigiissutit atuuttut naapertorlugit, akissarsiat atorfinitsitaanermilu atugassarititaasut aaqqinneqassapput.

Inissaqartitsisoqarsinnaavoq.

Pinerliisimannginnermut uppernarsaat:

Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissarsialerivimmi pisortamut Marianne Lennert-imut, oqarasuaat 86 73 40-mut imaluunniit e-mail: male@qeqqata.gl-imut saaffiginnissuteqarnikkut, atorfimmut tunngatillugu paasissutissat sukumiinerusut pissarsiarineqarsinnaapput.

Qinnuteqaat soraarummeersimanermik uppernarsaatinik, imminut ilisaritinnermik, oqaseqaatinik attavigineqarsinnaasunillu ilaqartinneqartoq, kingusinnerpaamik 2016-imi augustip 23-iani

Qinnuteqaatit uunga nassiutissapput 

Qeqqata Kommunia
HR Afdeling
Postboks 101
E-mail: job@qeqqata.gl
Web: www.qeqqata.gl

Attavissaq

Marianne Lennert

(+299) 86 73 40

male@qeqqata.gl