Miljøarbejderinik Maniitsumut

Qeqqata Kommunia Maniitsumi Ilaqutariinnut inerisaavimmut tallimanik miljøarbejder-issarsiorpoq. Ilaqutariinnut inerisaavik katillugit arfineq pingasunik sulisoqarpoq assigiinngitsunik tunuliaquteqarlutik ilinniagaqarsimasuullutik.
Qinnuteqarfissaq kingulleq:
25. august 2016
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. september 2016
Akissarsiat:
Isumaqatigiissutit malillugit

Atorfininneq isumaqatigiissutillu 

Akisussaaffiit suliassaqarfiillu:

  • Inuusuttunut 17½-20-nik ukiulinnut najugaqatigiiffik qanimut suleqatigineqassaaq. Inuusuttumiit inersimasumut pitsaasumik ikaarsaarnissaannut tapersersorneqas-sapput, aammalu pitsaasumik nammineersinnaalernissaannut aqqutissiuunneqarlutik imminut napatissinnaalernissaannut.
  • Inuusuttut suliffeqarnissaannut imaluunnit ilinniagaqarnissaannut kaammattorneqassapput.
  • Inuusuttut sunngiffimmi peqqinnartunik sammisaqartarnissaat.
  • Pitsaaliuineq inuusuttut akornanni annertooq suliniutigineqassaaq, tassa inuusuttut allat illoqarfimmiittut ilanngullugit sullinneqassammata.
  • Qanimut suleqatigineqassapput Ilaqutariinnut inerisaavik, angajoqqaat, Piareersarfik, Pilersitsivik, ilaqutariinnermut immikkoortortaqarfik, suliffeqarfiit, allallu inuusuttunut attuumassuteqarsinnaasut.
  • Inuusuttunut siunnersuineq ilitsersuinerlu. Iliuusissanik pilsarsaarutip malitseqartinneqarnissaa.
  • Asiarnissanut inuusuttut peqatingalugit pilersaarusiorneq.

 

Piginnaasassat:

  • Meeqqanik inuusuttunillu sullitaqarnermik misilittagaqarsimassaatit
  • Tarnikkut qajannaatsuussaatit, Isumaqatigiinninniallaqqissuullutillu, pingaartumik aaqqiagiinnginnermik ingerlatsinermi isornartorsiuinermilu.
  • Tatiginartuussaatit, misiginneqataasinnaassaatit maligassiuisuusinnaallutillu.   
  • Inuusuttoq naligalugu naammagittassuseqartuussaatit, kiisalu toqqissisimasuussaatit
  • Suleriutsinut naleqqussarsinnaassuseqartuunissat,  attaveqaqatigiuminartuunissat aammalu ajunngitsumik eqqarsartariaaseqartuunissat pingaatinneqarpoq.

Akissarsiat atorfininnermilu atugassarititaasut:  

Akissarsiaqarnermi atorfeqartitaanermilu atugassarititaasut Naalakkersuisut  aamma Atorfillit Kattuffiata akornanni isumaqatigiissutit atuuttut naapertorlugit aaqqinneqassapput.

Atorfimmut atatillugu inissaqartitsisoqanngilaq

 

Atorfininneq pissaaq piaartumik imaluunniit isumaqatigiinnikkut.

 

Pinerlussimannginnermut /pinerluuteqarsimanermut kiisalu meeqqanik pinerliisimannginnermut uppernarsaatit naammaginartuuneri naapertorlugit atorfinitsitsisoqassaaq. Atorfinitsinneqartussap atsiornikkut akuersissuteqarneratigut, uppernarsaatit atorfinitsitsinissamut oqartussaasut piniassapput, taakkulu Rigspoliti-mut piniarneqassallutik.

Atorfik pillugu paasissutissat sukumiinerusut Ilaqutariinnut inerisaavimmi pisortamut Annalisa Ostermann, oqarasuaat (+299) 81 25 85, email: alos@qeqqata.gl  saaffiginninnikkut pissarsiarineqarsinnaapput.

 

Qinnuteqaat ilinniarsimanermut siusinnerusukkullu suliffigisimasanik paasissutissanik, ilinniarsimanermut uppernarsaatinik, attaveqarfissanik oqaaseqaatinillu ilalerlugu kingusinnerpaamik 25. august 2016-imi Sulisoqarnermut immikkoortortap tigoreersimassavaa.

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqaa.gl

Web: www.qeqqaa.gl