Sisimiut Nipilersornermik ilinniarfiani Serravimmi ilinniartitsisoq

Guitarernermut, pattannermut, tumerparpaarnermut, qarlortarnermut, nipilersoqatigiinnermut il.il. ilinniartitsisussamik Serravik nipilersornermut ilinniartitsisussarsiorpoq. Qinnuteqartup piginnaasai naapertorlugit ilinniartitsineq aaqqissorneqassaaq.
Qinnuteqarfissaq kingulleq:
25. august 2016
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. september 2016
Akissarsiat:
Isumaqatigiissutit malillugit

Sisimiut Nipilersornermik ilinniarfiani Serravimmi ilinniartitsisoq 

Qinnuteqartut attuumassuteqartumik ilinniagaqarsimasut piumaneqarnerussapput. Assersuutigalugu ilinniakkat ukuusinnaapput:

- Meeqqat atuarfiini ilinniartitsisoq, ilinniarnermi nipilersornermik nammineq qinigaqarsimasoq imaluunniit nipilersornermut tapiliussatut pikkorissarsimasoq

- Nipilersornermut ilinniartitsisutut ilinniagalik, imaluunniit ilinniartitsisoq nipilersornermik misilittagalik / pikkorissarsimasoq

- Nipilersornermik ilinniarfissuarmi ilinniagalik

- Nipilersornermik paasisassarsiorluni ilinniagalik

- Nipilersornermik aammalu nipilersornermik ilinniartitsisutut allatut ilinniagalik

 

Qinnuteqartut kalaallisut oqaasillit piumaneqarnerussapput.

 

Suliassamik allaaserinninneq:

 

Nipilersornermik ilinniarfimmi sulisut allat assigalugit atugassarititaasut atuutissapput, tulliuttutigullu suliassat isumagissallugit:

 

- Ulluinnarni ilinniartitsissutinik ataasiakkaanik kiisalu nipilersoqatigiinnermik ilinniartitsineq.

- Tusarnaartitsinerni aaqqissuussanilu peqataaneq.

- Nipilersornermi ilinniarfimmi ulluinnarni suliassanut peqataaneq, ilaatigut: Nipilersuutinik iluarsaassineq, ilinniartitsivinnik akisussaaneq, perorsaanikkut atortorissaarutinik ineriartortitsineq, illoqarfimmi suliffeqarfinnik allanik suleqateqarneq il.il.

- Paasisassarsiorluni angalanerni, tusarnaartitsiartorluni angalanerni il.il. peqataaneq

 

Naatsorsuutigaarput:

- Akisussaasuusutit patajaattuullutillu.

- Tunniusimasoq eqeersimaartorlu

- Namminersorsinnaasoq kiisalu sungiussiasoq suleqatikkuminartorlu.

Akissarsiat atorfininnermilu atugassarititaasut: 

Aningaasarsiat atorfininnermilu atugassarititaasut

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aammalu isumaqatigiissutit Naalakkersuisut ilinniartitsisullu kattuffiata IMAK-ip akornanni isumaqatigiissutit atuuttut naapertorlugit pissaaq. Atorfinitsitaaneq aningaasarsianut isumaqatigiissutinut atugassarititaasut annerusumik naapertorlugit pissaaq, taamaattorli tjenestemanditut atorfinissinnaaneq Kalaallit Nunaanni allamik tjenestemanditut atorfeqarsimagaanni toqqaannartumik nuunnissamut periarfissaqarpoq.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Inissaqartitsisoqarsinnaavoq, malittarisassallu atuuttut malillugit ineqarnermut qaammammut akiliisoqartassalluni.

 

Atorfinitsitsineq pissaaq piaartumik imaluunniit isumaqatigiinnikkut.

 

Ilinniartitsisutut atorfinnut paasissutissat annertunerusut Serraviup aqutsisuanut Jacob Froberg-imut, oqarasuaat (+299) 48 69 50, e-mail: serravik@qeqqata.gl saaffiginninnikkut pineqarsinnaapput.

 

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput 25. august 2016-imi.

Qinnuteqaatit uunga nassiunneqassaaq: 

Qeqqata Kommunia
HR Afdeling
Postboks 101
E-mail: job@qeqqata.gl
Web: www.qeqqata.gl

Attavissaq

Jacob Froberg

(+299) 48 69 50

serravik@qeqqata.gl