Itillimi vejformandimik

Teknikkimut Avatangiisinullu immikkoortortaq Itillimi nunaqarfimmi kommunip ataani sanaartortitsinermut suliffeqarfiani, juulip 18-ianiit imal. isumaqatigiissuteqarnikkut sulilertussamik vejformandissarsiorpoq.
Qinnuteqarfissaq kingulleq:
1. august 2016
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. august 2016
Akissarsiat:
Isumaqatigiissutit malillugit

Itillimi vejformandimik 

Formandip nunaqarfiup sanaartortitsinermut suliffeqarfiani, katillugu marlunnik sulisulik, ulluinnarni aqutsineq ingerlatissavaa.

 

Formandi aalajaatsuussaaq, putumajuitsoq aqutsisuusinnaassuseqarlunilu.

 

Sanaartortitsinermut suliffeqarfiup ilaatigut eqqaavilerineq anartarfilerinerlu, eqqagassalerineq, aqqusinernik aserfallatsaaliineq, aputaajaaneq siorarterinerlu, iluarsaaneq saliinerlu, majuartarfinnik puttasunillu aserfallatsaaliineq, iliveqarfik, kalaalimineerniarfik, nunaqarfimmi ikuallaavik eqqaavissuarlu isumagisaraat.

 

Sisimiuni Teknikkimut Avatangiisinullu immikkoortortami ingerlatsinermut aqutsisoq Vejformandip qaninnertut qullersaraa, ulluinnarnilu nunaqarfimmi allaffimmi pisortaq qanimut suleqatigineqartassalluni.

 

Qinnuteqartoq minnerpaamik biilinik ingerlatsisinnaanermut allagartaq (kørekort) Kat. B pigissavaa.

Akissarsiat atorfininnermilu atugassarititaasut 

Akissarsiat atorfinitsitaanermullu piumasaqaatit Kalaallit Nunaata Naalakkersuisuisa SIK-llu isumaqatigissutai naapertorlugit atorfinitsitsisoqassaaq.

 

Pinerliisimannginnermut uppernarsaat:

Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat. 

 

Atorfik akissarsiallu pillugit paasissutissat erseqqinnerusut pissarsiarineqarsinnaapput saaffiginnikkut uunga, nunaqarfimmi allaffimmi ikiortimut Itilleq oqarasuaat 86 73 82 imal. Sisimiuni Teknikkimut Avatangiisinullu immikkoortortami ingerlatsinermut pisortaq oqarasuaat 86 74 75, imal. allaffiup ammanerata nalaani saaffiginninnikkut.

 

Qinnuteqartup ilisimaarissavaa, meeqqanik pinerliisimannginnermut uppernarsaammik pinerluuteqarsimannginnermullu uppernarsaammik takutitsisoqarsinnaappat aatsaat atorfinitsitsisoqassammat, taakkua Qeqqata Kommuniata aassavai.

 

Allakkatigut qinnuteqaat Itillimi nunaqarfiup allaffianeeriissaaq kingusinnerpaamik ataasinngorneq ulloq 1. august 2016. Qinnuteqaat aamma mail aqqutigalugu uunga nassiunneqarsinnaavoq uunga, itilleq@qeqqata.gl  imal. maju@qeqqata.gl 

Qinnnuteqaat uunga nassiunneqassaaq 

Qeqqata Kommunia
HR Afdeling
Postboks 101
E-mail: job@qeqqata.gl
Web: www.qeqqata.gl

Attavissaq

Martin Jungersen

(+299) 86 74 75

maju@qeqqata.gl