Ullup affaa pedel-eq ullullu affaa pinaveersaartitsisoq

Qeqqata Kommunia Kangaamiut ullup affaa Pedel-issarsiorpoq aammalu ullup affaa pinaveersaartitsisussarsiorpoq.
Qinnuteqarfissaq kingulleq:
23. september 2016
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. oktober 2016
Akissarsiat:
Isumaqatigiissutit malillugit

Ullup affaa pedel-eq ullullu affaa pinaveersaartitsisoq 

Pedel-imut tunngasut:

Suliassat akisussaaffiillu makkuunerussapput:

  • Illup B 1051-ip nakkutiginera
  • Errorsisarfiit, panersiiviit uffarfiillu nakkutiginera
  • Ullormut 4 timer suliffiuvoq.
  • Piginnaasassat
  • Aalajaatsuullutit akisussaassuseqarlutit
  • Nammineersinnaassuseqarlutit
  • Suleqatiginnissinnaassuseqarlutit.

Pinaveersaartitsisumut tunngasut:

 

Suliassat akisussaaffiillu

 

  • Illoqarfimmi nunaqarfinnilu pitsaaliuinermi ataatsimiititaliap suliniutissatut aalajangiussai naapertorlugit pitsaaliuinermi peqqinnerulersitsinissamillu suliassanik pilersaarusiorneq, pilersaarutinillu ineriartortitsineq.
  • Pinaveersaartitsineq pillugit suliffeqarfinnut, atuarfimmut peqatigiiffinnullu oqalugiartussat pillugit, pineqartut qanimut suleqatigalugit ataqatigiissaareqataaneq aaqqissuusseqataanerlu.
  • Sapaatip akunnerata 18-ip, 22-p aamma 46-p ingerlanneqarnissaannut kiisalu Qeqqata Kommuniani ulluni malunnartinneqartartuni peqataaneq
  • Imigassamik atornerluisuulernissamik, pinerliniarnissamillu pinaveersaartitsineq
  • Ajornartorsiutinngorsinnaasut pinaveersaartissallugit annerulersinnaveersaassallugillu 

Piginnaasassat

 

Isumaginninnerup peqqinnissallu iluani, assigisaanilluunniit ilinniagaqartutit, imaluunniit imigassamik aanngajaarniutillu pillugit sullissinermi misilittagaqartutit.

Nammineersinnaassuseqartutit, piumassuseqartutit, sulerusussuseqartutit, tamat isiginnissinnaassuseqartutillu.

Illoqarfimmi nunaqarfinnilu sulianik ataqatigiissaarisinnaasutit.

Pilersaarusiornermut malinnaatitsinermullu misilittagaqartutit.

Suleqatikkuminartuusutit isumagissaartuusutillu.

Oqariartuutinik ingerlatitseqqissinnaallutit ammasuusutit.

Marluinnik oqaaseqartuusutit, kalaallisut qallunaatullu (piumasaqaataanngilarli)

Akissarsiat atorfeqarnermilu atugassarititaasut  

Aningaasarsiatigut atorfinitsitaanermilu atugassarititaasut.

 

Aningaasarsiatigut atorfinitsitaanermilu atugassarititaasut, isumaqatiginninniarsinnaatitaalluni peqatigiiffimmut isumaqatigiissutit naapertorlugit inissinneqassapput.

 

Atorfimmut atatillugu sulisunut inissiamik innersuussisoqassanngilaq.

  

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

Piaartumik, isumaqatigiissuteqarnikkulluunniit atorfinitsitsisoqassaaq.

 

Pedel-imut tunngatillugu atorfik pillugu paasissutissat sukumiinerusut Ilinniartitaanermut immikkoortortami Ilinniartitaanermut pisortaq Anna Heilmann, oqarasuaat (+299) 81 78 68 email: annh@qeqqata.gl atorlugit saaffiginninnikkut pissarsiarineqarsinnaapput.

  

Pinaveersaartitsinermut tunngatillugu atorfik pillugu paasissutissat sukumiinerusut Ilaqutariinnermut immikkoortortami Ilaqutariinnermut pisortaq Bertha Dalager, oqarasuaat (+299) 81 78 53 email: beda@qeqqata.gl atorlugit saaffiginninnikkut pissarsiarineqarsinnaapput.  

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2016-imi septemberip 23-ani tigoreersimassavarput

Qinnuteqaatit uunga nassiunneqassapput 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl