Atuarfiup pisortaata tullia Minngortuunnguup Atuarfianut

Qeqqata Kommuniani Sisimiuni Minngortuunnguup Atuarfiani atuarfiup pisortaata tulliatut atorfik inuttassarsiorneqarpoq
Qinnuteqarfissaq kingulleq:
16. september 2016
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. oktober 2016
Akissarsiat:
Isumaqatigiissutit malillugit

Atuarfiup pisortaata tullia Minngortuunnguup Atuarfianut 

Minngortuunnguup Atuarfia atuarfiuvoq ingerlalluartoq 460-it missaannik 1.-imiit 10.-mut klassemut atuartulik eqeersimaartunik ingerlatsilluartunillu ilinniartitsisulik, atuarfik immikkoortunut sisamanut agguataagaasoq. Nukarlernut, akullernut, angajullernut immikkullu atuartitanut immikkoortortaqarluni, ilinniartitsisut immikkoortortani suleqatigiiaat. Ilinniartitsisutut atorfiit 50-it sinnilaarlugit sulisuligaapput.

Sisimiut illoqarfiuvoq periarfissarpassualik, ilinniarfeqarluartoq qinnuteqartullu meeraannut inissaqarnissamut qulakkeerinniffiusoq.

Akissussaaffiit suliassallu ilaatigut makkussapput:

• Taartaasartunut pilersaarusiorneq taartaasartullu akissarsiassaannik nalunaaruteqarneq

• Pedelit eqqiaasullu isumagineri

• Atuartut nerisaqartitsineranut sulisut isumagineri

• Atuartut ataatsimiititaliaat isumagineri

• Misilitsittarnerit, allattariarsornermik oqaluttariarsornermillu misilitsittarnerit isumagineri

• Atuartut aallaarsimaartarnerisa isumagineri

• Atuartitsissutissanik pisiniartarnerit isumagineri

• Atuarfiup pisortaata peqannginnerani taartaasinnaasoq

Piginnaasassat:

• Namminersorluni aqutsinissamut akisussaasuunissamullu piareersimasoq.

• Inuuvutit atuarfimmik immikkoortunut agguarsimasunut perorsaanikkut aaqqissuussaanikkullu ineriartortitsinermut peqataarusussusilik.

• Inuuvutit ammasoq tatiginartorlu atassuteqaateqartitsinissamullu pikkoriffilik.

• Inuuvutit qarasaasiarsornermik misilittagalik allaffissornermut atatillugu ataqatigiissitsisoq

• Inuuvutit tamakkiisumik isiginneriaasilik, aalajangiisinnaassusilik, pilersaarusiorsinnaassusilik, aaqqissuussisinnaassusilik aammalu suliassanik agguaassisinnaassusilik.

• Inuuvutit anguniagaqarluni sulerusussusilik.

• Marluinnik oqaaseqartuuvutit, kalaallisut qallunaatullu, tamannali piumasaqaataanngilaq

Akissarsiat atorfeqarnermilu atugassarititaasut 

Akissarsiat atorfinitsitaanermilu atugassarititaasut

Akissarsiassat atorfinitsitaanermilu atugassarititaasut Kalaallit Nunaanni Namminersorlutik Oqartussani kommunemilu tjenestemandit pillugit inatsisartut inatsisaat nr. 21, decembarip 18-ni 2003-meersoq taamatullu Namminersorlutik Oqartussat IMAK-illu isumaqatigiissutaat atuuttut naapertorlugit aaqqinneqassapput.

Atorfik akissaatilerneqassaaq isumaqatigiissutit qulaani taaneqartut malillugit aammalu isumaqatigiissutit Kalaallit Nunaanni meeqqat atuarfiini atuuttut malillugit. Atorfimmut akissarsiat inissinneqarput akissaateqarfimmi 36-mi skalatrin 49 naapertorlugu saniatigullu immikkut aalajangersimasumik 1. april 1991 aalajangiussameersoq malillugu ukiumut 36.280,00 koruuninik tapeqartinneqassalluni.

Taamaattorli tjenestemand-itut atorfinissinnaaneq Kalaallit Nunaanni allamik tjenestemanditut atorfeqarsimagaanni toqqaannartumik nuunnissamut periarfissaqarpoq.

Isumaqatigiissutit naapertorlugit atorfinitsitsinermi Kalaallit Nunaanni Namminersorlutik Oqartussat IMAK-illu Kalaallit Nunaanni ilinniartitsisut pillugit isumaqatigiissutit naapertorlugit nikerarfimmi 34-imi inissisimavoq saniatigullu immikkut aalajangersimasumik 1. april 1991 aalajangiussameersoq malillugu ukiumut 34.280,00 koruuninik tapeqartinneqassalluni.

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

Atorfinitsitaanermi angalaneq pequtillu nassiunneri malittarisassat atuuttut naapertorlugit aaqqinneqassapput. Inissaqartitsisoqassaaq, taannalu malittarisassat atuuttut naapertorlugit akilersorneqassalluni.

Atorfinitsitaaneq 1. oktober 2016 isumaqatigiissuteqarnikkulluunniit pissaaq.

Atorfik pillugu paasissutissat annertunerusut atuarfiup pisortaanut Nivi H. Efraimsen-imut oqarasuaatikkut (+299) 86 4188, e-mail: nihe@qeqqata.gl imaluunniit ilinniartitaanermut pisortamut Annga Lynge-mut, oqarasuaat (+299) 86 7380, e-mail: anly@qeqqata.gl saaffiginninnikkut pineqarsinnaapput.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 16. september 2016-imi

Qinnuteqaat uunga nassiunneqassaaq 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq

Nivi H. Efraimsen

(+299) 86 4188

nihe@qeqqata.gl