Minngortuunnguup Atuarfia iggavimmi inuussutissalerinermik ilinniagalimmik sulisussarsiorpoq

Qeqqata Kommuneani Ilinniartitaanermut immikkoortortaqarfik, Minngortuunnguup Atuarfiani atuartut nerisaqartitaanerannik igaffimmi ulluinnarni aqutsisutut atorfik inuttassarsiuunneqarpoq.

Qinnuteqarfissaq kingulleq:
4. november 2016
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. december 2016
Akissarsiat:
Isumaqatigiissutit malillugit

Suliassat akisussaaffiillu: 

•Minngortuunnguup Atuarfiani atuartunut nerisassiorneq.
• Nerisassiortarnerup aaqqissuussaaneranik suliaqarnissaq ilaatigut sapigaqartut ilanngullugit.
• Nerisaqartitsinissamut nerisassarsiniartarnermillu pilersaarusioqataaneq nakkutilliinerlu.
• Nerisassiorneq, nutaaliorneq, iggavimmilu erruineq eqqiaaqataanerlu.


Piginnaasat:

  • Inuussutissalerinermi ilinniagaqarsimasuussaatit.
  • Suliannut pikkorissuussaatit iggavimmilu sulinermik misilittagaqassallutit.
  • Aalajaatsuussaatit akisussaassuseqarlutillu.
  • Ammasuussaatit suleqateqarnissat ammaffigissavat saaffikkuminarlutillu.
  • Eqaatsumik suleriaaseqartuussaatit nammineersinnaassuseqarlutillu.
  • Nerisassanik pisiniarnermik iggavimmilu naatsorsuutitigut misilittagaqassaatit.
  • Piffissamik ataqqinnittuussaatit timikkut tarnikkullu peqqissuullutit.

Suliffik sapaatip akunneranut (ataasinngornermiit tallimanngornermut) 40 tiimit suliffiuvoq.

 

Aningaasarsiat atorfininnermilu atugassarititaasut: 

Akissarsiat sulinermilu atugassarititaasut Kalaallit Nunaanni Namminersornerullutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit aaqqinneqassapput.

Atorfininneq pissaaq 1. december 2016 imaluunniit isumaqatigiinnikkut.

Pinerliisimannginnermut uppernarsaat:

Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfimmut atatillugu inissaqartitsisoqanngilaq

Atorfik pillugu annerusumik paasiniaasoqarsinnaavoq Minngortuunnguup Atuarfiata pisortaa Nivi H. Efraimsen attavigalugu oqarasuaammut (+299) 86 41 88 imaluunniit email: nihe@qeqqata.gl imaluunniit pisortap tulliugallartumut Uvdloriaq Kleist uvkl@qeqqata.gl  

Qinnuteqaat nassiunneqassaaq ilinniarsimanermut uppernarsaatit, oqaaseqaatit attavigisinnaasallu ilanngullugit kingusinnerpaamik 4. november 2016.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq:

Nivi Heilmann Efraimsen

(+299) 86 41 88

nihe@qeqqata.gl