(Allagarsiuteqqitaq) Maniitsumi meeqqanut inuusuttuaqqanullu siunnersorti

Qeqqata Kommunia Maniitsumi sullissisutut atorfik inuttassarsiorneqarpoq 1. februar 2017 aallarnerfingalugu.
Qinnuteqarfissaq kingulleq:
20. december 2016
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. februar 2017
Akissarsiat:
Isumaqatigiissutit malillugit

Maniitsumi meeqqanut inuusuttuaqqanullu siunnersorti 

Ilaqutariinnermut immikkoortortaq 19-nik sulisoqarpoq, imatullu agguataagaasunik: Ilaqutariinnik siunnersuisarfik, Ikiorsiisarnermi imm.,  Allatseqarfik, Utoqqarnut imm. kiisalu Innarluutilinnut immikkoortortaq.

Meeqqanut inuusuttunullu immikkoortortami siunnersorti aqutsisutut piginnaatitaanngilaq.

Ilaqutariinnermut immikkoortortami sulisunik kiisalu Meeqqanut inuusuttunullu- aammalu Ilaqutariinnermut immikkoortortami sullissisunut immikkoortortanit aqutsisunik suleqateqassaatit.

Ilaqutariinnermut immikkoortortami Ilaqutariinnut pisortaq qaninnertut qullersarissavat.

 

Akisussaaffiit suliassaqarfiillu

  • Angajoqqaarsianut siunnersuineq ilitsersuinerlu.
  • Meeqqanut inuusuttunullu ikiorsiissutinik pilersaarusiorneq, aallartitsineq malitseqartitsinerlu, pingaartumik suliani inissiinertalinni.
  • Meeqqanut inuusuttunullu tunngasunut suliniutinut pilersaarusiornermut atuutilersitsinermullu peqataaneq
  • Meeqqat pillugit sulianik ajornakusoortunik pisariaqartitsineq naapertorlugu sullissinermut peqataaneq.
  • Kommunip suliffiutaani suleqatinik kiisalu avataani suleqatinik suliat akimorlugit suleqatigiinnermut peqataaneq.
  • Ikiorsiissutinik aallartitanik, pingaartumik angajoqqaarsianut inissiinernut, tassanngaannartumik inissiinernut, ulloq unnuarlu angerlarsimaffinnut inissiinernut ataavartumik paasissutissiineq akulikitsumillu kisitsisit atorlugit nalunaarsuusiukkanik nutarsaaneq.
  • Suliassat allat takkussuuttut

Piginnaasassat

  • Isumaginninnermut siunnersortitut imaluunniit perorsaasutut ilinniagaqarneq  
  • Isumaginnittoqarfimmi meeqqanut inuusuttunullu immikkoortortami misilittagaqarneq.
  • Meeqqat, inuusuttut ilaqutariinnermullu immikkoortuni allaffissornermi inatsisinik misilittagaqarneq.
  • Tarnikkut qajannaatsuussaatit, tulleriiaarluakkamik sulisinnaassaatit misissuilluarsinnaallutillu.
  • Isumaqatiginninniallaqqissuussaatit (pingaartumik aaqqiagiinnginnermik ingerlatsinermi isornartorsiuinermilu).
  • Attaveqaqatigiuminartuussaatit, sunniuteqarluartuullutit kiisalu sulianut pitsaasumik ingerlatserusuttoq.
  • Ilisimasannik ingerlatitseqqissinnaassaatit.
  • Allannguinernut piareersimasuussaatit, tamanik isiginnissinnaasoq nikerarsinnaasorlu.

Akissarsiat atorfininnermilu atugassarititaasut  

Akissarsiat atorfinitsitaanermilu atugassarititaasut atorfininnerup nalaani Naalakkersuisut kattuffiullu isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.

Meeqqanik pinerliisimannginnermut uppernarsaat

 

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Atorfimmut atatillugu inissamik innersuussisoqassaaq, malittarisassat atuuttut naapertorlugit qularnaveeqqut/attartornermut akiligassat akilerneqassallutik. Atorfinitsitaanermi angalaneq pequtillu nassiunneri akilerneqassapput.

 

Atorfinitsitsineq pissaaq 1. februar 2017, imaluunniit isumaqatigiinnikkut.

 

Atorfik pillugu paasissutissat sukumiinerusut Ilaqutariinnermut immikkoortortami Ilaqutariinnermut pisortaq Bertha Dalager, oqarasuaat (+299) 81 78 53 email: beda@qeqqata.gl atorlugit saaffiginninnikkut pissarsiarineqarsinnaapput.

 

Qinnuteqaat ilinniarsimanermut siusinnerusukkullu suliffigisimasanik paasissutissanik, ilinniarsimanermut uppernarsaatinik, attaveqarfissanik oqaaseqaatinillu ilalerlugu kingusinnerpaamik 20. december 2016 Qeqqata Kommunia Sulisoqarnermut immikkoortortap tigoreersimassavaa.

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq

Postboks 1014

3911 Sisimiut

E-mail:job@qeqqata.gl

Web:www.qeqqata.gl/job

Attavissaq

Bertha Dalager

(+299) 81 78 53

beda@qeqqata.gl