(Allagarsiuteqqitaq Maniitsumi inersimasunut tarnimikkut innarluutillit ornittagaannut Naapiffimmut aqutsisutut atorfik inuttassarsiorneqarpoq

Maniitsumi Ilaqutariinnermut innarluutilinnut immikkoortortap ataani ornittagaq Naapiffik inissisimavoq.
Ataasinngornermiit tallimanngorneq ilanngullugu ammasarpoq nal.08.00-16.00.
Agguaqatigiisillugu ullormut innarluutilit 32-nit orninneqartarpoq.
Qinnuteqarfissaq kingulleq:
28. december 2016
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. januar 2017
Akissarsiat:
Isumaqatigiissut malillugu

Akisussaaffiit suliassaqarfiillu: 

  • Tapersersortinik atuisunillu suleqateqarneq
  • Atuisut pisariaqartitsinerini oqaloqatiginninneq.
  • Sammisassaqartitsinermut sap.akunneranut pilersaarusiorneq.
  • Sammisassaqartitsinerup tungaatigut nutartseriuarneq.
  • Sammisassaqartitsinerup tungaasigut atortussanik piniarneq.
  • Atuisunik kajumissaarineq kaammatuinerlu.
  • Allaffissornermut tunngatillugu akiligassaannik isumaginninneq.
  • Sulisunik isumaginninneq.
  • Naapiffiup ingerlanneqarneranut akisussaaneq.
  • Aqutsisut ataatsimiittarnerannut peqataaneq.

Piginnaasassat:

• Isumaginninnermut perorsaasutit imaluunniit assigisaanik ilinniagaqarneq

• Tarnikkut qajannaatsuussaatit.

• Isumaqatiginninniallaqqissuussaatit (pingaartumik aaqqiagiinnginnermik ingerlatsinermi isornartorsiuinermilu).

• Attaveqaqatigiuminartuussaatit, sunniuteqarluartuullutit kiisalu sulianut pitsaasumik ingerlatserusuttoq.

• Allannguinernut piareersimasuussaatit, tamanik isiginnissinnaasoq nikerarsinnaasorlu.

• Tarnimikkut innarluutilinnut sullissinermi misilittagaqarsimassaatit.

Akissarsiat atorfinitsitaanermilu atugassarititaasut: 

Akissarsiaqarnermi atorfeqartitaanermilu atugassarititaasut Naalakkersuisut aamma Naalakkersuisut kattuffiullu isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.

Atorfimmut atatillugu inissaqartitsisoqanngilaq.

Atorfik sapaatip akunneranut 40 tiimit suliffiuvoq.

Atorfininneq pissaaq 1. Januar 2017 imaluunniit isumaqatigiissuteqarnikkut.

Pinerlussimannginnermut /pinerluuteqarsimanermut kiisalu meeqqanik pinerliisimannginnermut uppernarsaatit naammaginartuuneri naapertorlugit atorfinitsitsisoqassaaq. Atorfinitsinneqartussap atsiornikkut akuersissuteqarneratigut, uppernarsaatit atorfinitsitsinissamut oqartussaasut piniassapput, taakkulu Rigspoliti-mut piniarneqassallutik.
Atorfik pillugu paasissutissat sukumiinerusut innarluutilinnut immikkoortortap pisortaanut Mettea R. Jeremiassen, oqarasuaat (+299) 81 78 60 email: mrje@qeqqata.gl   atorlugit saaffiginninnikkut pissarsiarineqarsinnaapput.

Qinnuteqaat siusinnerusukkullu suliffigisimasanik paasissutissanik, oqaaseqaatinillu ilalerlugu sulisoqarnermut immikkoortortap tigoreersimassavaa kingusinnerpaamik 28. december  2016.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq:

Mattea R. Jeremiassen

(+299) 81 78 60

mrje@qeqqata.gl